قبيلة بني رشيد - لاواهني اللي رقد

لاواهني اللي رقد في ســريـــره@@ ماهمه اللي هم راع الهوى اليـــــوم
مرتاح ماشاف العيون الخطيره@@ اضحك مع العالم وانا فيه مهـــــموم
مالي سوى حبه ولااريد غــيره@@ عقب على قلبي بنظراته ســــهـــــوم
ابو قرونن فوق متـــــــنه نثيره@@ والخصر من شيلة مثانيه مــــظلــوم
ونهود زمة فوق صدره صغيره@@ لاصك صدره من ورى الثوب مزموم
وانا الذي بيديه لاقى مــصــيره@@ وطيت راس الداب والداب مســــــموم
مالي بها ياناس حيل وبصـــيره@@ الحال قاضي والقـــــــدر صار محــــتوم
اقضي طوال الليل عيني سهيره@@ ماغير اراقــــب طاقــــته واكثـــر الحـــوم
لاجبت فود ولا عنه قلت خــيره@@ انشهد انه حــــــــــط فــي قلـــــــبي ثلـــــوم