أن كان للجزلات ... حـزه وميـلاد = يالي جميـل القـاف ...قلتـه وسقته
ابشر بشعراً .. صـار طـبٍ للاكبـاد = شعـراً أماريبـه ... لاقلتـه وشلتـه
شعراً .. كما حراً.. كفخ ساعة هداد = من مجمع الظلعين .. جلت وطلقته
شعراً ... على نهج الصحابه والأجداد = وأبليس عن قربه ... فقعت وحشرته
أسمع كلامي ... وأفهمه يابن الاجـواد = محص كلامـي ... وانقلـه لافهمتـه
ماني على عطـف المقفيـن ... نشـاد = واللي تعداني ... حشـا مـا أنتقصتـه
أشوم ... عن شيل الضغاين والأحقـاد = وأشره على الصاحب ... حشا ماهجرته
ماراعني هـرجٍ ... تناقلـه حسـاد = مادام لـي دربٍ مُحـدد ... رسمته
ركبت أنا ... سود الليالي.... بلا شداد = وأرهيت أنا مدي .. وطيبي جلبته
ولاغرهد القمري .. على صوت رعاد = ذريته بثوبي .. حشا ما تركته
وصدام يوم انه بكى .. فقـد بغـداد = عز الله أنـي ماجفيـت ... ورخصتـه
مبطي عرفت الخلق ... للـرب تنقـاد = سبحانه الـي فـي حياتـي .. ذكرتـه
أبتلتها وأرهيتها ... بقافية آد = وأعطيتها قسمي .. ووردي نثرته
والهرج لادرهم ... ترا صعـب ينعـاد = مادام منتـا ... قبـل قولـه حكمتـه
ولاعاد شعـراً ... ماحبكنـاه لاعـاد = وانا الذي مجمل قصيـدي ... حبكتـه
جتك الرساله .... واضحه يابن الأسياد = عل وعسى ... مجمل كلامـي فهمتـه