|
نواف العازمي وفلاح القرقاح
نواف يا سلام الله عليكم يـا نظفيـن الضمايـر عد ما هلت هماليـل المـزون المستهلـه انت يا القرقاح عندك علم والمقسوم صاير العرب ما تستريح ومن عقـد عقـد يحلـه القرقاح مرحبا باللي على خوتهم نسـوق البشايـر والدواء يا حضرة الدكتور يبري كل علـه انقلب راسي ثلاث سنين اراجع في الدواير وان طفشت من البلد كله سريت الليل كلـه نواف اعرف ان الطير لولا الريش ماشفناه طاير واكثر الاعذار مثل معالـج الزلـه بزلـه يغفر ذنوب العباد اللي غفـر لام الكبايـر واكثر ذنـوب الاوادم مالهـا غفـران لله القرقاح ودكم نصمل على قطع الرجا ولا نخايـر كل ما ختلوا معارفنا رضينـا كـل خلـه انت وش سويت عام العام يوم الـدم فايـر قبل ما نعطيك ماجوبك على صدر المجله نواف فيك خير وفيك شر وتنطح اللي حاك غاير والكلام اللي قريته في المجله فاطـن لـه يا عرب بعض الكساير ما تجبرها الجباير والعزيـز الله يعـزه والذليـل الله يذلـه القرقاح والله اني ما امدح السلعه لو ان السوق باير العلوم الغانمه فاصحابهـا طبـع وجبلـه جعل ابو من ذل يا نواف يصلي في المناير عقب اللي ينقل السيف الصقيل ولا يسلـه نواف بايعين الهرج يملون المحـازم بالذخايـر مير انا ما قط بشت المعـزب فـي محلـه الكتايب والسرايا والفصايـل والحضايـر لاجمعناهـا تـحـرر دار ولاتستحـلـه |
مرشد المظيبري
وفقك الله واشكرك على نقل محاوره عمالقه الشعر القرقاح ونواف العازمي رحمه الله عليه |
محاورة رائعه
والله يعطيك العافيه على النقل |
محاوره ممتازه وفيه من الابداع والفتل والنقض الشى الكثير
مشكور مرشد المظيبري على نقل المحاوره بارك الله فيك وتقبل تحياتي اخوك ابو بيان |
يعطيكم العافية على المرور
|
محاوره شعراء كبار
مشكور على النقل اخوي مرشدالمظيبري |
يعطيكم العافية على المرور
|
| الساعة الآن +4: 12:45 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
