وين الشواعير الذي تعرف الفرق=تفرق غروب الشمس من مطلع الشرق
تلعب على معنى ولا همها الطرق=من شان خاطر عين تكرم مدينه

الباب هو والقفل والمفتاح بالاسم اخشرى=هذا مثل معروف مير اليوم جيت اجدد
انشدك عن حرً ربى مع احرار اكنه سرى=واصبح على عرش العرب كل الاوامر في يده

القنبله جاء بنيابه وحقر=وحزبه ترى حزب الشباب الموقر
وناوي ياصقر اليوم فيك ايتصقر=من شان خاطر عين تكرم مدينه

الم ترى ياصاحبي بنك مع العالم ترى=في عين وحده والعرب ياصاحبي متردده
مداح نفسه ماصدق لاكن وش صار وجرى=ضمه وفتحه ماتفسر جنب نون مشدده

الصقر من فوقك يرفرف جناحه=لكن طعني لاتقابل اسلاحه
ارقد وفلل نوم بالاستراحه=من شان خاطر عين تكرم مدينه

ياصاحبي قال المثل كلً على باله طرى=وانا احسب انك شاعرٍ تفهم كلامي بعدده
ياصاحبي ماهوب انا لكن دور لك ذرى=العود مايارث حلاله يافتى غير ولده

الصقر بالمربط مقرنس ومحجوز=وترى الكذب في تاللي الليل مايجوز
وياصقر تالي الليل بتصير عزوز=من شان خاطر عين تكرم مدينه


اللي كتب جرب وشاف العلم غير اللي قرى=وياصاحبي من بعد ربط الطير بيزين اهدده
ماقلت بنك ياصحيبي من بعيدين الحرى=لاكن اقول العلم واضح مير ابيك اتردده

ياقنبلة حزب الشباب الدجاء طال=مير افرق الارباح عن روس الاموال
الصقر سند بالقنابل مع الجال=من شان خاطر عين تكرم قبيله

الفرق واضح بين اهل يثرب واهل واد القرى=ابعد من الشمس بسماها عن شعاع الاعمده
القنبله معطيه معنى مير مره مادرى=واصبح خسارة حزبه اللي كل يوم يجنده

احسب حسابك يابعيد المرامي=ياتاجر الجمعه بسوق الحمامي
مادامها بين اللحم والعضامي=من شان خاطر عين تكرم مدينه

من نظر يم الثرياء مانظر يم الثرى=مقصدك مقصود والمقصود ماحدن يقصده
من وقف بالصف الاول صعب يرجع للورى=صعب يعني صعب مثلك يجي ويبعده

القنبله يصنع بكفه الخواجه=اما من ابلاستيك ولا زجاجه
والا الصقور اصقور ماهي دجاجه=من شان خاطر عين تكرم مدينه

ياللي تبيعون البصل والثوم ماهو كمثرى=لكن قنبلة الشباب اليا لقى حق اجحده
وش فيك ضيعت الطريق اللي يوديك الكرى=ثوبي طويل وثوبكم مقصور لكن صدده

مالك لوى مادمت بيدين خير=اللي يعدك مثل اخوه الصغير
وماينفع التغيير مهما تغير=ويابعد عينك وياقريب المدينه

انته ولد عم الولد اللي اليا لز انفرى=ولا ولد عم الولد اللي قريبن موعده
ماني بجاحد ياصقر والوسم في خد اعشرى=والعالم الله والعلوم الناقصات امزوده

اقتباس من مشاركة القنبله (المشاركة 1167494) السلام عليكم ورحمة الله وبركاته اخوي العالم الفلكي الله لايهينك مره اخرى ولا كن عندي شي ابغى اضيفه ربطة الموال في الموال الاخير هي: ويابعد عينك ياقريب المدينه لكي لايختل المعنى عند قرائته ونشكر كل من اطلع علا هذه المجاوره وشكراااااااا