الله يبيض وجه فايز كحيلان = راعي الوفا والطيب نسل الرجالي
يعيش وراشد صبيا الشجعان = فرسان بالغزوة ترد الحلالي
ذيب وعدا يبغا مراقيب ضلعان = قام يتخير شامخات الجبالي
اختار فيهن قال انا الذيب يفلان =الذي جاك وصيدته ما تبالي
اخذ عشاه وحلحل الذيب شبعان = يبغا يعشي ذيب يم الشمالي
الذيب هذا وقتها كان جيعان = ماكان يحلم بالعشاء كان سالي
هلل وكبر يوم شاف الفرج بان = معقول شوف العين ولا خيالي
من عقب ماني كاتب الياس عنوان = من طيب هذا الذيب جوي صفالي
انا اشهد انه يثبت العلم برهان = وانا اشهد ان العلم مرا وحالي
وانا اشهد انه يرفع الراس ويبان = وانا اشهد ان الطيب ماله مثالي
وانا اشهد ان فازعا فزعت اخوان = وانا اشهد ان الطيب ماله مثالي
والله على ماقول يشهد له الشان = واكبر دليل انك وصلت الطوالي
وصلاة ربي على اللي ختمها بختمان = محمد رسول الله عزيز الجلالي