يا هلا ماصفق موج ٍ على سيف=وش تبي ياطويل العمر وأبشر
يا يبه مابها يمكن ولا كيف=مالك إلا ّ خضوع وطيب معشر
لا يهمّك وأنا في محزمك سيف=من هنا لين أموت ولين نحشر
لو تبي نقتسم نبض المهاديف=والله إنّك معي بالروح تخشر
قل خطتك المنايا والصواديف=منهو اللي تصير أبوه يدشر
شيّ غير القصايد والسواليف=غير كلّ الذي يكتب وينشر
والله أنّي سعدْك اللي على الكيف=ووالله أنّي معك بالخير والشر
إن تحرّيتني فوق المشاريف=وإن تعزويت بي باليوم الاقشر
وإن بغيت الكرم لو مايجي ضيف=إحلم إنّه يجينا ضيف وأبشر