قبيلة بني رشيد - الحجازي + صميدع راس

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الحجازي والشاعر صميدع راس

الحجازي

يا صميدع راس حول في الميدان=ودنا ناخذ علومك ونسمعها
بعد ما سجلت في هيئة الأركـان=ويش رايك فالفروع ومطابعها

صميدع راس

جاك خصمك يامنادي وشانك شان=وكل ديره بان لي نور شارعها
مادريت ان الدعاوي لها سلطان=وكل نجمه لاح لي وين مطلعها

الحجازي

السباع اللي تقضرم على العربان=ولاتنوش الارض ياغير أصابعها
لو يموت الفيل أبو زقم كلش زان=وربعت كل الملا في مرابعها

صميدع راس

السباع اللي تكشر بدون اسنان=لو تعض الناس ماهيب توجعها
لو يموت الفيل يطلع بداله ثان=عادت الايام شفنا مراجعها

الحجازي

أنت وش علمك على الناس يا كحيلان=لاتخاف الارض تسعك وتاسعها
كل ماشفت الك رامي على النيشـان=قلت له بندقك مانتب مسنعها

صميدع راس

ياالحجازي كل رجل وسيع بطان=يعرف الارض والقراح ومنابعها
لان كلٍ يحسبنه يصير حصان=مادرى ان الناس ماهو مروعها

الحجازي

ليه يومنك تعقـد لـي الحجـان=الرجال تنزحك عن مطامعها
كان لك برثن ترى للعرب جنحان=والمواهب ربك اللي يوزعها

صميدع راس

ماعقدت احجاجنا طلق ياذيبان=والرجال ان جيتها غصب اطوعها
مار به ناس تغني يادانه دان=مثل ماقالوا تبا من يصومعها

الحجازي

صاحبي شيخ العرب فوقه الصيوان=امسك السكه وحذار تضيعها
الزمن هذا زمـان الثعـل ندعـان=ماكرن له عدة وجيه يطلعها

صميدع راس

كلمتك مايختلف دونها اثنان=و الدروب ادلها قبل لارمعها
الزمن خلا الثعالب تروح سمان=والذيابه كثر بالوقت جايعها

الحجازي

ارجهن القلب لبعيرنـا عليـان=ارتكى والأرض روح يباوعها
أنت في سبح البحر ماهرن فنان=الله إنه يطعمك من منافها

صميدع راس

الجمل لو يهدر مايعود ضان=ولو نحط برجله اقيود قطعها
وانت قدمي بالبحر كلنا اخوان=باخصٍ بالقوم تعرف طبايعها