قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   .::. ســـمــــاء الــخـــفــــجـــــي .::. مــصــافـــحـــه أولــــى (http://ban3abs.com/aa/showthread.php?t=58876)

عيسى بن راكـب 15-05-2009 06:01 PM

.::. ســـمــــاء الــخـــفــــجـــــي .::. مــصــافـــحـــه أولــــى
 
السلام عليكم ورحمة الله وبركاته

أسعد الله أوقاتكم بكل خير يشرفني انضمامي لهذا المنتدى الشامخ وأول ما ابتدي به مصافحة لكم
قصيدة متواضعه اتمنى ان تنال استحسانكم والرقي لذائقتكم العذبـــــــــــــــــه





لا تخليني على جرح الزمان ونار حيه = وأن سئلتك وين غيباتك تقول الشوق ذايب

تتركيني في بحور الشعر والدنيا عليه = وكنت أشوفك في سماء الخفجي تبارين السحايب

كنت ماني مصدق انك في جمالك آدميه = نور حور ونظرتن تذبح توريني العجايب

من عرفت العشق تاخذ قلبي بعشق بدويه = ولا تعزوت تعتزي في جدها فوق الركايب

ابتليت بحبها ومن دونها الدنيا بليه = وكانت الدنيا بدونك هم وآلام وخرايب

وانتي أول من بناء بالروح حب العاطفيه = وأنتي أول من دمحتي زلتي لا جيت تايب

كن ربي حط في قلبي وقلبك جاذبيه = لا زهمت أسمك تجاوبني ذعاذيع الهبايب

وأشهد أنك لو تطوعتي وصرتي عسكريه = كان يعطونك تحايا بنظرتك كل الكتايب

كان أصبحك بتحيه ثم أمسيك بتحيه = تأخذ أعلى رتبة بقلبي على كل الحبايب

ولو رآك اللي تعب بالمملكة والفيصلية = كان يبني صورتك بالعاصمة بين النوايب

وتصبح أسطورة زمانك في زمان العالميه = وأسمها رمز السلام وحل عن كل النشايب
كان ما نلقى الخيانه بالورود النرجسيه = وكان ما نلقى الليالي طاعنه في قلب شايب

ما خسرت الشعر عندك باللحون السامريه = لا كتبتك في قصيدي صارت الدنيا غرايب

يا بعد من حده العذال عن شوفت خويه = ويا بعد حيي وميتي وأهلي وكل القرايب

بس لا يطول غيابك رد لي روحي الشقيه = ولا نسيتك أعرف أني راقدً تحت النصايب





أخـــــــــــوكم / عيســــــــــى بن راكـــب


الموسيقار 15-05-2009 06:06 PM

صـــــــــــــــــــــــــــــــــح لسانك
والله يحيك ياعيسى

مرزوق العجوني 15-05-2009 06:08 PM

صح لساانك اخوي عيسى ولا هنت وتقبل مروري وتقديري

عيسى بن راكـب 15-05-2009 06:11 PM

صح بدنك اخوي الموسيقـــآآآآآآر

ويعطيك العافيه على المرور الجميل

تحيتي لك

عيسى بن راكـب 15-05-2009 06:13 PM

صح بدنك المشرف/مرزوق العجوني
مرورك عطر أرجاء المنتدى
تحيتي لكـ

عبد العزيز 15-05-2009 06:14 PM

صح لسانك

حياك الله اخي عيسى في منتداك منتديات بني رشيد


تمنياتي لك باسعد الاوقات

عيسى بن راكـب 15-05-2009 06:17 PM

صح بدنك أخوي عبدالعزيز

الله يبارك فيك ترحيبك على العين والرأس

لا هنت يالغالي

حــزام 15-05-2009 06:20 PM

كـــن ربـــي حـــط فـــي قـلـبـي وقـلـبـك جـاذبـيـه
لا زهـمـت أسـمـك تجاوبـنـي ذعـاذيــع الهـبـايـب
صح لسانك ياعيسى بن راكب
قصيده جزله بلاشك وتبين قوة شاعرها
ومرحبا بك في شبكة بني رشـيـد


الساعة الآن +4: 03:04 AM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص