دندن يابو نورة على العود دندن = وهيض مشاعر وسط الاضلاع حية
دايم جروحي من عنا الوقت يشدن = اليا بدا ليلن ولا فيه ضية
ماني من اللي يذرف الدمع لاابدن = حابس دموعي مبطين حيل بية
مبطي وانا قاطع على النفس وعدن = ماتبع مقفي لو هو الزاد لية
صحيح ما اتحمل عن الزين بعدن = بس الكرامة طاغية حيل فية
دجت الوسيعة من دياري لي لندن = من كثر همن قد تعنز علية
عجزت لابني بوجه الاحزان سدن = كل يوم والثاني ايتحطم هنية
قلبن يوني ثم تتلاه كبدن = عطشا تبي البله ولا فيه ميه
خلي جرحني جرح بالحيل عمدن = مايضمده دكتور ولا اظن كية