قبيلة بني رشيد - قصيدة للشاعر نارد الناهشي

برق سرى يلمع على صفحة الليل=ماظن يمحى لون سـود الليالـي

غنيتنا من ظيـم بقعـا مواويـل=يامـال يادانـه ويـالال لالــي

وخاطبتنا القمرا وعانقتنا سهيـل=وشربت من الاقدار مـر وحالـي

وصفقت لمهرج وضويت قنديـل =واثبتنا فـي كـل فنـن مجالـي

وحاولت اعدل لوحت الوقت تعديل=واثر الحبر رسم السنين الخوالـي

ما يمسحه طامس وفرشه وتظليل=ساعات وايـام وسنيـن طوالـي

وعانتنا وقتي بصبـر الرجاجيـل=لوكان مالي مـن رفيـق موالـي

لوكان انارجلي وهو راكب خيـل =عليه انا اكبر من عظيم الجبالـي

صحيح اناشاعر مميز على الجيل=شعر على شعر جـدود وخوالـي

وعندي حصانت دين ذكر وتهليـل=وماخشى الزمن لاكان بلا لحالـي

بس لانظرت عيون سود مظاليـل =عزي لحالي رحت عـزي لحالـي

يافاتنة قابيـل فـي قتـل هابيـل =يامملكة بلقيس واعتى الرجالـي

يااعظم سحر بابل بكتب التراتيـل =ياطاعة الاديـان خلـق ودلالـي

في حبكم صنفت ضمن المهابيـل=قيس الملوح وابن ناهش التالـي

من مبسمك ينشي سحاب المخاييل=والوادي المبطي من السيل سالي

تغضب لعينك لرض ترتج بالويـل=وامعتصم قامت جيـوش وقتالـي

واذا مشيتي وسط غابات ونخيـل=مـدت عليـك اغصانهابالظلالـي

حتى القمروالشمس والنجم ياهيل=من فوقنا فـي عاليـات العلالـي

كل يبي يقبـل مواطيـك تقبيـل=يحن مشيـك فـوق حمرالرمالـي

بالاختصار المختصر دون تطويـل=غرام حـب ام لصغيـر العيالـي

افرح لشوفك فرحة البدو للسيـل=اوفرحة المدمـن لخمـر زلالـي

اسمع تراني ميت فيـك بالحيـل=غالي وغالي وان ماقلـت غالـي

لاضمنا مجلـس بزيـن التعاليـل=اهرب من الواقـع لدنيـا خيالـي

افكر اني وسـط جنـات واميـل =حوريتن قدمـي نتيجـة اعمالـي

فلا فاقت السكره الى الوضع تخييل =والله يرحـم شايـب قـد دعالـي

ابوي وصاني مع العـدل والميـل=اترك ادروب العشق واهل الظلالي

لوزاد برق الليل يبقى هـو الليـل =لوزاد يبقى لـون سـود الليالـي
...........................

قصيدة للشاعر نارد الناهشي الدوسري