قبيلة بني رشيد - المحاوره المختاره للاسبوع الثاني ومطلوب رايكم

السلام عليكم ورحمة الله وبركاته

هذه المحاورة بين الشاعر المعزب والشاعر عبدالباري عبدالعزيز

كما امل من الشعراء ابدا الراي حول اختيار المحاوره اذا كان لهم الرغبه يكون عن طريقهم او اي اقتراح ثاني فمافيه مانع

المعزب

ياخو وضحى اليامنه سرى ليل الدجا تعـال

ولا يدري عن الموضوع ابوتركي وابوعوجه

نبيها تحت جنحان الضلام اللي بدون هـلال

على ضو النجوم المرقبه ناخذ لنـا روجـه

عبدالباري

سرا ليل الدجا والشاردات الـواردات اسجـال

مخاصير الخلا الخالي ليا اظلم وادوت ا فجوجه

توكلنا على الله واشرف بشاهق حداالاطـلال

ولا تحدا شعيل اليا ضميـت اينثـر اخروجـه

المعزب

يازين الصوره اللي تحتضن بيت الشعـر ودلال

بـدون الـوان لكـن فلمهـا يازيـن منتوجـه

ولكن ياطويل العمـر جاوبنـي علـى السـوال

(ابان) الظلع عن (راس القرى)قلي وش هروجه

عبدالباري

مادام الصورة اللي شفتهـا تعجبـك يالخيـال

عليك الله وامانـه ماتبـاع بسـوق فلوجـه

انا ابا جاوبك مير انتبـه لاتحـرج الرجـال

ترا رأس (القرى وابان) ابن عطوان مايدوجه

المعزب

حفضت الصوره اللي عبرت عن ماضي الاجيال

وقبلنا منـك ميثـاق العهـد متغيـر الموجـه

ليامنا خذينـا فـوق عيـرات النضـا زرفـال

نبي نصتاد من طاير قطـا الديـره ودحروجـه

عبدالباري

لقيت افجوج نجد اعلاج للي فيه ضيقـة بـال

متى ماضاق بالك شوف الارض القفر مفجوجه

انا ليه على مثلـك مشاريـه ٍ خطاهـا اثقـال

ماشفتك باللقاء بين الجبرتي وابـن عروجـه

المعزب

ياخو وضحى عن احداث الليالي مكثر الاقوال

سوالف مجتمع عقال ماهي ناس مرجوجـه

وانا ليه على مثلك كذلـك والعلـوم اطـوال

مدامك محتزم بالسيف والسكين ابو خوجـه

عبدالباري

مدام انك تسرحها مع المفلا بدون عقال

بعذرك لو عدود الباديه بالرجل مسهوجه

انا ماودي اشغل بالمغازل شاشة الجوال

وأنا مزيون تفتني عيونٍ سود مدعوجه

المعزب

حذفت عقالها عنها بعد ماصابهـا السـلال

عراقيه تبي صدام والصحـاف وعلوجـه

الا يالصاحب المزيون مالك وصف بالازوال

عساها فدوتك دلوعـة العالـم وغنوجـه