قبيلة بني رشيد - محاورة ابراهيم الشيخي الزهراني و عبدالعزيز الخياري الرشيدي

محاوره بين عبدالعزيز دحيم الخياري الرشيدي وابراهيم الشيخي الزهراني

عبدالعزيز الخياري

هلا يامرحبا في دار عبس وموطن الجدان

باسم من كمّل وجمّل مع ربوعه والاجنابي

الا يالشاعر اللي باللقا مثّل بني زهران

ترى برد الشتاء خطرٍ عليك ايشد الاعصابي

ابراهيم الشيخي

يدوم الك البقاء باسمي واسامي باقي الضيفان

وانا مااخص فيكم كلكم وافين واصحابي

ديارٍ بارده ماهي كما الباحه ولا رغدان

وانا لاجيت اخفف خطوتي واثقل اثيابي

عبدالعزيز الخياري

من اللي يخلف النيه من اللي يخطي النيشان

ترى ماهي بدين الله ولا هو سلم الاعرابي

جنوبك بارده وانته ماغير اتفسر الذرعان

اثرك اصحيح تبغى اطيح بين الضرس والنابي

ابراهيم الشيخي

انا ماني وكيل آدم على ذريته يا فلان

يكفيني لاصارت مشكله ماهي من اسبابي

والا يا بن دحيّم وش لنا في كان يا ما كان

ياراعي كان ياما كان لا تاقف على بابي

عبدالعزيز الخياري

ياهل سودة عسير امجملين و لاحصل نقصان

وانا ماقلت لك صادق ولا قلت الك كذابي

انا حرٍ عن الارض الدنيه يكفخ الجنحان

يعليني جناحي للعلا ويصيد مخلابي

ابراهيم الشيخي

احد يهدر هدير ابعير احد يصهل صهيل احصان

واحد ماغير جلد وعظم لا ودى ولاجـابي

والا ياطير يااللي فيك زكمه تعدي العـربان

لا اشوفك حول ديرتنا لعلك بالوبا الوابي

عبدالعزيز الخياري

انا الاول بكلمه قلتها ياصادق العنوان

حدرك الراجحي بالهاويه يا سهم ينسابي

اثرك الطاير اللي ميزته في كثرة الالوان

ولا يشوى ولا ينهد متعافي ما ينصابي

ابراهيم الشيخي

انا مااقول غير الله يديم الامن والايمان

علاوي نجد لو ترفع حصاه اتحصل ارهابي

الا ياعبس يامركز رموز الشعر والفرسان

اخاف ان الغليّم يختلف يوم ابدي اعجابي