في حفلة الشيخ ابو شهاب
 

هذه القصيد ه بالشيخ مبارك الدويله بمناسبة زيارته لابنا عمومته بالمنطقه الشرقيه تشرفت بالقاها امامه
http://www.bani-3abs.org/pp/uploads/1da97932e0.jpg
[poem="font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام مني لابو متعب صاحب القلب الكبير= اللي غلا شعبه بقلبه ماتغيره الليال

وسلام مني ياوطنا مهبط الوحي الشهير=يادارنا اللي حبها بقلوبناصعبٍ يزال

وسلام ياعبس العرووبه ياهل السيف الشطير= ياهل الوفاء واهل المروه والكرم والاعتدال

وسلام يامبارك سلامٍ مع شذا الورد العبير= سلامٍ احلا يامبارك من هماليل الخيال

ياللي تقول انا ترى يالابتي ماني بامير=انا ترى من عرضكم وافعل مثل فعل الرجال
هذا الكلام الى سمعته منك في ديرة مطير= في رحلة المرباع بالصمان في ذيك التلال

تقول مانت امير لافي ذمتي انك امير=وانك بطل مقدام وانك من صناديد العيال

وشلون مانت امير وانته جامعٍ جمعٍ غفير= من كل دار وكل ديره من جنوب ومن شمال

هدفك سامي ماتبي في عبس رجالٍ فقير= دام ان ثلثين القبيله كلهم اصحب مال

وشلون مانت امير وانت بكل موضوعٍ خبير =خبير بالواقع وايضا عبقري بالاحتمال

وشلون مانت امير وانته دايمٍ وجهك منير= بالدين والدنيا نعم كامل ولله الكمال

وشلون مانت امير وانته دايمٍ مدك كثير =جزيل ماتعطي ليامنك عطيت الاجزال

اقل ضيف تكرمه لجاك تذبح له بعير=ولوصار عندك عام كامل ماتوجه له سوال

وليين جنابك لكن انك لازعلت تصير غير=ولايزعلك شىٍ بسيط وقول قيل وقول قال

تزعل ليامنك عرفت ان الوضع وضعٍ خطير=وتاقف مثل وقفة جبل ورقان من بين الجبال

ومن عاندك والله لتنبت له جناحين ويطير=مشال من مايطلبه لوهو كبر روس النمال

والله ليبعث عنتر العبسي وابن عمه زهير=وتشرق من المغرب علينا الشمس هي ويا الهلال

وانت المشرع وانت ريس عبس وانت اضا المدير=واللي تسبت في سبات الوقت وضعه لايزال

ولو جاء مع ابا زيد زيد وجاء بجنب الزير زير=انك لحالك في ميادين الزمن مالك مثال

مال الرداء عليك باب ولاله بدارك سفير=الله يامبارك مكرمك ابعمامك والخوال

وتقول مانت امير لابالله اميرٍ ثم امير=وامارتك ماجتك بالبشت المقصب والعقال

خذيتها بالفعل من بين الصغير والكبير=ثمن تعب جسمك وسهرك والتفوق بالنزال

لايمكن ان اللي مثل شرواك بالصف الاخير=بالصف الاول مركزك ياشيخ مافيها جدال

الله يمهل لك تواصل يامبارك بالمسير=اسال الاله الكريم المعتلي رب الجلال

واخر كلامي يامبارك وجه خير وفيك خير=بين القبايل نفاتخر بك كل ماجالك مجال

هاذي شهادة شاعرٍ شعره على قده يسير=يزين طاروقه ليامنه حصل فيه انفعال

لينفعل والله مايحسب حساب اللي يصير=يقول هرج الصدق لو بين المصقل والنبال
[/poem] محمد سلمان الرشيدي

الامكان محجوز ولي عوده ياشيخ الشعر يابونايف

الشاعر ‏محمد بن سلمان
صح لسانك بلاايين
قصيده شامخه
والوطن وعبس والدويله يستاهلون
تقبل مروري وتقديري

صح السانك يابو نايف

الشاعر ‏محمد بن سلمان
صح لسانك بلاايين

صح السانك يابو نايف