|
محاورة نواف العازمي وتركي الميزاني
تركي الميزانـي @ نواف العازمي ( الله يـرحمه ) تركي الميزاني هلا مرحبا في حفلة عيـال سعـران مريخات لعـدّوا زحـول الرّجالـي أنا لي صحيب(ن) طوّل الوقت ما بان ولا ادري جنوب الدّار والاّ شمالـي نواف العازمي يدوم البقا واحسب حسابك من الآن ترا المشترى والبيع فالسوق غالي أنا ما عليّه مـن فـلان وفلنتـان لقيت أكثر الأصحاب يا همّلالـي تركي الميزاني زميلك غني فالوقت ما هو بفقران تبا عملـة الدينـار والاّ الرّيالـي لقيناك من فيضة حولّـي لخيطـان ترسّم حدود( ن ) مالها اوّل و تالي نواف العازمي ليا صار عندك يابن ميزان ميزان جنيه الذهب ياخذ بجيبك ليالـي عميلك مثل ما كان ثابت كما كان جبل والجبل معروف بين الجبالي تركي الميزاني دروب الوعر ماتتعب الذّيب سرحان ولا يطرح الاّ من خيـار الحلالـي تقولـه وانـا ماقلتـه الاّ علشـان أشدّ الحموله في ظهـور الجمالـي نواف العازمي كلام بكلام ولا قضا دين ديّـان يغنّا على المسحوب والاّ الهلالي أنا اقول لو معكم ثمانين شيطان أبعطيكم المقسوم وانـا لحالـي تركي الميزاني علومي لها يا طيّب العرف برهـان ويشهد لها اقصى المجتمع والموالي وردنا العدود الراهيه وانت ظميان ولا نشرب الا من قراح(ن) زلالي نواف العازمي علومك عسل مير انت بالحيل زعلان خذ الواقع اللّي ما يعـرف الخيالـي وردتم على الماء صح منته بغلطـان واخذنا الحبال اللّـي تفـرّ المحالـي تركي الميزاني فتحت الك من فوقك درايش و بيبان وخيّل علاك من السحابَ الخيالـي ترا ما يطير الطير من غير جنحان ولا تصلـح الغتـره بليّـا عقالـي نواف العازمي معك قلب لكن ما معك فكر ولسـان تحيّل ولا بـه حيلـة(ن) واحتيالـي **رت العصا عن جنب ناقة عريمان وتالي خطفها جـنّ مـدري جفالـي تركي الميزاني طويل اللّسان يطيح في كل ميـدان ولانته بابن غانـم ولنتـه الهلالـي علومك وراها راحت اشكال والوان عسا الله يعوضني عن اللّي طرالي نواف العازمي ترا ماجزا الاحسان يا غير الاحسـان مير انته من اللّي صار يصلاك صالي |
نواف العازمي:
ليا صار عندك يابن ميزان ميزان == جنيه الذهب ياخذ بجيبك ليالـي هذا البيت لايقوله إلا شاعر داهيه وهو بيت حكمه يستفيد منه المبذرين رحمك الله يانواف وهذي المحاورة لحنها رائع وموجوده عندي صوتيه |
الله يرحم نواف والبقى لتركي
ومشكور على النقل |
الله الله
شعراء كبار الله يرحمك يانواف ويبقي تركي طاروق رائع من شعار غنين عن التعريف تسلم يالناقل |
الله يعطيكم العاااااااااااااااااااافية على المرور
|
نواف العازمي
علومك عسل مير انت بالحيل زعلان خذ الواقع اللّي ما يعـرف الخيالـي وردتم على الماء صح منته بغلطـان واخذنا الحبال اللّـي تفـرّ المحالـي عزالله افتقده ساحه المحاوره شاعر كبير الله يرحمك يابو عبدالعزيز ويسكنك فسيح جنته انه على ذلك قدير واطال الله عمر تركي الميزاني ومشكور مرشد المظيبري على نقل المحاوره الطيبه وتقبل تحياتي ووفقك الله وتقبل تحياتي اخوك ابو بيان |
الله يعطيك العاااااااااااااااااااافية على المرور |
مشكور على النقل اخوي مرشد المظيبري
|
| الساعة الآن +4: 10:05 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
