قبيلة بني رشيد - قدر صار يالله المستعان

قصيد بالمرحوم ان شاء الله / احمد سنيد الرشيدي

ارجوا الدعء له

واقول فيها :ــــ
___________________________________

اكبر خبر شد الجبال العاليات
في ساعة الليل والصبح مابـــــــان
ساعة زمن والوقت قرب بالمسافات
والعمر غالي محسوب يالله المستعان
قدرة الله والعمر لرب السموات
خالق الانس وخلق بعد للجـــــــــــان
سريت من وقتي وقطعت المسافات
والدمع يذرف من شان الى شــــــان
ابو محمد لابغت يمناه بالذات
شالت جبال طويق ياهل الاذهـــــــان
يابو محمد ياأحمد تبكيك الابيات
موتك غبينه يازعيم الأهله والاخوان
مرحوم يااحمد سوالصبر بالباقيات
مرحوم اللي خذا ارضاي بطمئنـــــان
اليوم هذا فيه اردد اللاهات
واليوم دمعي على الخد هتـــــــــــان
ماغير اطالع للسماء أردد دعوات
ماغير يدي للسماء يأهل الايمـــــان
يارب تكتب له في الخلد جنات
في جنة الفردوس باحلى الجنـــــــان
يالله طلبتك باقي الصبر بالباقيات
أنت المعين لقوة الصبر لاحــــــــــان
اقسم قسم بالله واكتب قرارات
لاخذ على نفسي عهد وحلفــــــــان
منسى العيال فوق كل العلاقات
عيال لهم احترام لفلان وافـــــــــلان
يارب تحفظ لهم أغلى المهات
تحفظ لهم وتعزهم وتعزهم علشـان
عشرة عمر متزينه بلوحة عبارات
فيها ورود اشجار بنظرة البستــــان
صحيح القلب ماينسى شي بالعلاقات
وصحيح القلب ماينبض بدون شريان
هذا ساعة قلم حبري بالأبيات
وهذا قدر صار يالله المستعــــــــان