الشوق جمره جمر وازناده زناد = أوقد مهاديف الحنايا حميا
والقلب جرحه حي وعناده عناد = عطشان لجروحه وطعنك بليا
(ياورد) زرت بلاد , وبلاد, وبلاد = مثلك لنظرة خافقي ماتهيا
بين (الثريا) و (القمر) كان ميعاد = وأخلفت ميعاد (القمر والثريا)
وجيتك على ساقت مشاريه الاجواد = فيك الهقاوي كبر برج العليا
واثر الهقاوي مثل ( مصلحة الارصاد ) = يخيب منها شي ويصيب شيا
لاجاد بك غيري ولا حظهم جاد = جادك زماني لكن الحظ عيا
ان كان للتعذيب خدام واسياد = ماني بقايل وين هيا وميا
ارفع لك الرايه على روس الاشهاد = من دون كل الناس فيك الكفيا
لولاي اخاف الناس عاذل ونقاد = ماكان خليتك تروح كذيا
(عندالعرب من ينكر الملح والزاد = مافيه خير ولابراسه حميا )

قصيده شاااامخه ورااائعه...جميله جداً
صح لسانكـ ولاهنت