قم يالفكر .. مانـي ضعيـفٍ ومعتـاز = وأستاقها سـوق المطانيـخ .. للـروز
أشوف أنا عجك .. وصل يم الأهـواز = وأشوف أنا فعلي ... على الظلع مركوز
ورد التحيه مرفقـه ... بعطـر قـزاز = فيها من اطياب النفل ... وأيضاً الـروز
على الذي .. ماهـو بغامـز وهمـاز = شاعر وجزلات القصايد ... له تجـوز
له في عسير القاف .. مركـه ومعكـاز = ولاهو على المعنى .. نخى يطلب العـوز
أشوف انا شعره .. كما قدحت القـاز = والا كما نجمٍ ... سطع عالـي {اللـوز }
يبغـى يجربنـي .. علـى قافـيـة آز = مايدري أن الشعر ... بالصدر مغـروز
الشعر ماهو يالخـوي .. خبـز خبـاز = خبز أنخبز .. مابيـن خابـز ومخبـوز
الشعر لاهل العرف ... معنى ومركـاز = شعراً كما الددسن .. وشعراً كما بنوز
وأنا الذي للشعر ... مايل ومنحاز =أبتل على طرق المراجل ... ولا أنوز
أطرب على شعراً تسماه ... أبن باز = ولاشاقني شعراً .... تغنته فيروز
والي حسبهـا ...بيننـا لعـب جمبـاز = الله يبيحه ... عد مـن هـاز بالهـوز
اقولهـا والقلـب ... ماهـو بلمـاز = والله يجملنا ....وعسـى قافنـا يجـوز