قبيلة بني رشيد - محسن الهزاني (مبسم هيا)

[grade="32cd32 F4a460 32cd32 F4a460"]

قـالـوا كـــذا مـبـسـم هـيــا .. قـلــت لا لا
بيـن البـروق وبيـن مبسـم هـيـا .. فــرق
ويالله .. بـــنــــوٍ مــدلــهـــم الــخــيـــالا
طافـح ربابـه .. مثـل شـرد المهـا الـزرق
لا جـــا عـلــى البـكـريـن بـنــا الــحــلالا
ولاعـاد لا يفصـل .. رعدهـا عـن البـرق
يسقـي غــروسٍ .. عـقـب مـاهـي هـمـالا
وحط الحريـق ديـار الاجـواد .. لـه طـرق
يـسـقـي نـعــامٍ .. ثــــم يــمــلا الـهـيــالا
ويصبـح حمامـه ساجـعٍ .. يلعـب الــورق
جريـت انـا صــوت الـهـوى .. باحتـمـالا
فـي وسـط بستـانٍ .. سـقـاه اربــعٍ فــرق
طـبّـيـت مـــع فـــرعٍ .. جـديــد الـحـبــالا
وظهـرت مـع فـرعٍ .. تنـاوح بـه الــورق
روشــن هـيــا .. لـــه فرجـتـيـنٍ شـمــالا
وبابٍ على القبلـه .. وبـابٍ علـى الشـرق
مـبـسـم هـيــا .. لـــه بـالـظـلام اشـتـعـالا
بيـن البـروق .. وبيـن مبسـم هـيـا فــرق
بـــرقٍ تـــلالا .. بـأمــر عــــز الــجــلالا
واثره جبيـن صويحبـي .. واحسبـه بـرق
يـا شبـه صـفـرا .. طــار عنـهـا الـجـلالا
طويلـة السمحـوق .. تنـزح عـن الــدرق
لـه ريـق .. احـلـى مــن حلـيـب الـجـزالا
واحلى من السكر .. الى جاء من الشـرق
حـنـيـت انـــا .. حـنــة هـزيــل الـجـمــالا
ينقـض ردي الخيـل .. قـد حـسـة الـفـرق
ويـــا قـلـتـةٍ .. فـــي عـالـيــات الـجـبــالا
ماهـا قـراح .. مـيـر مــن دونـهـا غــرق
مـاعــاد للـصـبـيـان .. فـيـهــا احـتـمــالا
مـن كـود مرقاهـا يديهـم .. غــدن طــرق
قالـوا تـتـوب مــن الـهـوى .. قـلـت لا لا
الا ان تتوب .. ارماح علوى عن الـزرق
قالـوا تـتـوب مــن الـهـوى .. قـلـت لا لا
الا ان يتوبـون .. الحناشـل عـن السـرق
قالـوا تـتـوب مــن الـهـوى .. قـلـت لا لا
الا ان تتوب الشمس .. عن مطلع الشرق

[/grade]