لسال شعري واطيب الطيب لسال = لجات حزة فخر مافيه تطنيش
انا من اللي عزهم دون الأموال = وانا من اللي طيبهم دون بخشيش
من لابة (ن) لا عدة اجيوش وارتال = تلقا بيارقهم على قمة الجيش
ساسي رشيدي معرب العم والخال = ماني من اللي في نسبهم تشاويش
بني رشيد مطوعة روس الأنذال = من ضدهم فالكون والله مايعيش
ربعي ترا تلطم على وجه من عال = ربعي سلايل عبس ماهم دراويش
وقت المزاحم هم مطناخ الرجال = يردون حوض الموت دايم معاطيش
فالطيب دايم فيهم تقال الأمثال = خوت رشيدي غير خوته مافيش
رشايده رشايده لون الزمن طال = تاريخهم هيبه ومافيه تشويش
دايم عطاياهم سمينات واجزال = ودايم مراجلهم على غير تغشيش
هذي عوايد عبس ذربين الأفعال = تشهد لهم (كفه) على بيرق الجيش