أسولف بك مع اشواقي ونبض الشوق لك مشتاق=وازيّن ليلي بصوتك وصوتـك ملهـم اشعـاري
كتبت اسمك على اشعاري وحبيتك من الأعمـاق=أشوفـك ماخـذٍ قلبـي وكلـك ماخـذ افكـاري
بعبّر لك عن اشواقي واشوفك أصدق الأشـواق=واشوفك يا بعد روحي حبيب واجمـل اسـراري
سكن حبك هوى فكري وبُعدك شي مـا ينطـاق=أنا دونك حبيبي شي مـا لـه اسـم أوطـاري
بدت أيامي تتفاءل وعطر السعـد لـي يشتـاق=معك انسى اللي بالدنيا وانـت جنتـي ونـاري
عشانك أحرق همومي مثل مـا تحتـرق الاوراق=عشانك أوقد شموعـي تضـوي دنيتـي وداري
عسى ربي يسلمنـا حبيبـي مـن ألـم الفـراق=وإذا كانـت محبتكـم شقـا فهـذي اقــداري
وإذا ضاعت عناوينك حبيبي الشوق لك ينسـاق=ترا كلـك عناوينـي ودرب الشـوك ازهـاري
حبيبي وحبـي الاول ترانـي لشوفتـك اشتـاق=أبيع اللي بهالدنيـا واجيلـك للوصـل شـاري
أحبك واعشقك والله كثـر مـا قالـواالعشـاق=أحبك يا بعـد كلـي حبيبـي ومشغـل افكـاري
أسولف بك مع احلامي واسولف بك مع الأشواق=وازيّن حرفي بحرفك واحطـك بـاول اشعـاري

سكن حبك هوى فكري وبُعدك شي مـا ينطـاق=أنا دونك حبيبي شـي مـا لـه اسـم أوطـاري

اقتباس من مشاركة ابواثنين (المشاركة 48396) سكن حبك هوى فكري وبُعدك شي مـا ينطـاق=أنا دونك حبيبي شـي مـا لـه اسـم أوطـاري صح اللسانك اختي الهنوف وصح اللسان الشاعره

اقتباس من مشاركة عابد الرشيدي (المشاركة 48407) يعطكي الف عافية الهنوف على هذا الاختيار الجميل