قبيلة بني رشيد - ركب الرحيل لشاطي الغربه

وصل ركب الرحيل لشاطي الغربه ودار اجناب.£
بعد طول الطريق اللي تمادى واتعب اركابي.£
ضحك وجه المدينه للمسافر والوجيه اغراب.£
وانا عابر سبيل وضحكتي مابينت نابي.£
وقفت انظر على شط المدينه والجروح اسراب.£
ولعنت ام الحنين وسالت الدمعه
على هدابي.£
هنا كنت الغريب بلا حبيب ولا وطن واقراب.£
حزين وماقدرت اجمع شتاتي واحسب حسابي.£
حداني للسهر جرح(ن)سجني بين ناب وناب.£
وتركني بين صمت الذكريات بصفحه كتابي.£
حبيبي والغلا جرح(ن)ذكرته وانفتح له باب.£
وانا لوماذكرتك وانت ناسي ويش يبقابي.£
صحى هم الفراق اللي فتح للذكريات ابواب.£
وغفيت وماصحيت الا وطيفك يطرق ابوابي.£
حبيبي ترسم الغيمه ملامح وجهك الجذاب.£
واشوفك وين مالد النظر مع كل هندابي.£
ذكرت اول لقاء فيه اجتمعنا بالغرام احباب.£
الين اخر لقا منه افترقنا واخر اتعابي.£
فداك الجرح ياوجه(ن)تركني للملام وغاب.£
بقاله في حياتي طعنتين وجرح ماطابي.£
انا اللي كنت اضيع بنظرتك شوق ووله واعجاب.£
واظيق بغيبتك وتظيق بي دنياي وثيابي.£
عطيتك قلب واشواق وحنين وفيك ظني خاب.£
احسب انك تمنى رجعتي واثرك تسلى بي.£
تبعتك مثل ضحضاح السراب وجيت لك مرتاب.£
واشوفك مثل الامس المستحيل وباكر الغابي.£
حبيبي وانت ماتسوى ملام ولاانت قد عتاب.£
تعداك الملامه والعتاب
££<<وشرهه ذيابي>>.££
خطاي اني تماديت بغلاك وماحسبت حساب.£
احسب ان الوفاءطبع البشر واحبابي احبابي.£
وعزاي اني ردعت القلب عن باقي غلاك وتاب.£
وصحى في داخلي طفل(ن)غرير وشايب اعرابي.£
حبيبي للصبر بال(ن)طويل وللجروح اسباب.£
وانا مارحت ادور للجروح اعذار
واسبابي.£
حبيبي يوم شفت ان الزمان برجعتك كذاب.£
تركتك للتجافي والغرور بزحمه اصحابي.£
رحلت وقلت اسافر عنك واجزيك الغياب غياب.£
واببعد واستريح من السهر واريح اعصابي.£
هجرت ارض الجروح ابغى عن تراب الجروح تراب.£
عساي انساك وانسى رجعتك والجرح وترابي.£
يطيب الجرح والا ياعسى جرح
الهوى ماطاب.£
تفضل هاك جرحك واستريح وجرحي اولابي.£
طلع صبح الفراق بشاطي الغربه ودار اجناب.£
ولعنت ام الحنين وسالت الدمعه
على اهدابي.£