قبيلة بني رشيد - ضويحي بن كعمي نادر الشجعان

السلام عليكم ورحمة الله وبركاته

قصه اسمعها من ابوي عن جدي الاول ضويحي بن كعمي الرشيدي الله يرحمه ويسكنه في فسيح الجنان

والقصه هذي لقيتها في العديد من الكتب التاريخيه ولا تحرفت من نقل الي ناقل كلها تصاغ باحداثها الحقيقيه

ان جدي ضويحي الله يرحمه جا اولده ناصر الله يغفرله وقال يبه بن دويش اخذ نياقنا وهذا بن دويش من قبيلة مطير وهو شيخ قبيلت مطير الي هذا اليوم واعجب في نياق جدي الله يرحمه لانها كانت من اجمل الابل في وقتها

وثار جدي وقال مارد الا وحلالي معاي و راحو معاه ثلاثه وناصر رابعهم الله يغفرله اول شي راحو الي ولد عم الشيخ عماش الدويش وقالو ولد عمك اخذ حلالنا وحنا بنرده قال حلالكم ردوه بس ان ذبحتو ولد عمي ابي اثئرله قالو الله يكتب الي فيه الخير

وهجمو على النياق ماكان عندهم ال الرعيان و يوم شافهم عماش جا بخيله مقبل عليهم

قام جدي واقبل عليه لو قتله كان بيثور ولد عم عماش بس جدي طيح عماش من ظهر الخيل واصبح عماش مابيده حيله الا الصراخ وهم ساقو الابل و ايضا اغتنمو حاجيات البيت الاواني وغيره

وايضا سيف عماش الي طيحه من ايده جدي وانا ماقول كلام من عندي الكلام موثق في كثر من الكتب

وهذا مقطع من احد الكتب

ان ابن كعمي العجرمي الرشيدي معه ابل مشهورة وهي من اجمل لابل وكانة نازل ٍ مع مطير فمرت ابله بأبل الشيخ عماش الدويش الملقب بالرجعة
وشافها عماش واخذها من الرشيدي عنوة فصاح الرشيدي لربعه بني رشيد فاكانوعلى مطير جماعة الرجعة الدويش واخذو ابل ابن عكمي وابل الدويش وحصانه و سيفه ويقولون بني رشيد ان سيف الدويش عند رجل ٍ يدعى فلاح ناصر الشهري المهيمزي وهو محتفظ فيه الى هذا االيوم
وفي هذه المناسبة قال الشاعر جديع بن وشيتان من فخد العونه من بني رشيد هذه القصيدة

ان كان ذود ابن كعمي عندكم غالي=الغوج الاصفر مع روده كسيابنا

لي لابتن يالمويهي تحتمي التالي=بوابة الموت قد ذقتوا حرايبها

الوضح قفوا بها حماية التالي=قدم الدعاجين طافحتن جنايبها

وعلى هذي البطوله وفخرا في جدي قلت القصيده هذي والصراحه هاجت المشاعر وكتبتها في حينها

واتمنا تنال اعجابكم البطوله والقصيده وسميتها

ضويحي نادر شجعان الرياجيل

على حلو النقى مع صوت صهيل

و جرت لحن الموال رقصت شياطيني

تذكرتك الي مثله بهل الوقت قليل

الي فزعته تطفي النار لو هي براكيني

ضويحي بن كعمي نادر شجعان الرياجيل

مدري افرح فخر ولاعيني تبكيني

على فرق رجال الي نسله اصيل

ذاك لو ذكر اسمه تلفتو شمال ويميني

صحيح اني ماشفته بس سمعت به قيل

انه على الحق مايذعر ولا يليني

وتذكرت قصتا له مع النذل الذليل

سارق حلال الناس جوعان البطيني

وقت جاه ولد ناصر دخيل الله دخيل

يبه فلان خذ نياقي قدام عيني

كانه بكلتمه اقرب على النار فتيل

وهيج الشجاع الي للشجاعه براهيني

وقال ابشر بعزك لردها لو اروح قتيل

تقلد السيف والباكوره بخصره متحزميني

على صفرتا لاتبي غيار ولا تبديل

تنوش الثرا رجلينها قبل اليديني

معاه ربع اله لي نادا هللو تهليل

وساقو الفرسان غزوة الشرف جامديني

مع شق النور على مغيب سهيل

بين هناك جمل من الابل وناقتيني

وعرفن صوت بدويهن من نادا فوق جبيل

صوتا كني اسمعه بخفوقي يغنيني

واصبح الموقف شبه البروق تبرق ويل

وسل سيف العز من بين الغماديني

وحدر من عالي الوادي بقوة السيل

وارتطم في قومهم رطم العنيفيني

وساق ابله وابل عماش الدويش تذليل

من كان خسرا ربح من الحالتيني

ورجع الثار والعروق تبللت تبليل

وعلى حلال بن دويش اصبحو متقاسميني

ذا ناقه و ذا سيف وذا راس خيل

اغتنمو ولاهم مع قايدهم عانيني

وردو الوادي وفاحت ريحت الهيل

وطفت النار الي كانت براكيني

وسلامتكم