|
المحاورة رقم (3) غازي و منصور بن صبح
بسم الله الرحمن الرحيم
السلام عليكم ورحمة الله وبركاته محاورة الشاعر غازي والشاعر منصور بن صبح بيت المعنى عيشي على ذكرى الزمن وأذكري دوم=صـــلاح الايـوبــي بـمـجـده وعِــــزّه غازي شبي على كسرى وشبي على الروم=واقضي جهادك في بطولات غزه يامرحبا ياصاحبي عاقل القوم=دز الخبر يمي وانا اخوك دزه منصور بن صبح حنا على الاوطان مانقبل السوم=والضلع ثابت منت قادر تهزه دام البقا والناس معطى ومحروم=اقولها مابين حزه وحزه غازي لاتصغّر المضمار والدرب مرسوم=الرمح يالصاحب على اول مغزه عطني علومك واستلم مني اعلوم=خابرك ماجوب النشاما تخزه منصور بن صبح ان كان في راسك سطاره ومهموم=فرسك مع درب النشاما تلزه الظاهر انك باالبحر تجهل العوم=ترى البلا من كيفك اللي تمزه غازي حنا العرب من خلقة ادم اليا اليوم=وامجادنا بالأرض عز ومعزه ياطير ياللي بالسماء تكسر الحوم=الارض اخير وصاحي العقل عزه منصور بن صبح الخارطه علمً مزور ومزعوم=وكثر سواليف البشر مستفزه يامسلمين اليا متى الدين مظلوم=الخوف يكبر من يجيه ويجزه غازي ذكرى الزمان الماضي احلام بالنوم=واليوم عظمي خنجر اجحا تحزه خلك معي لا تخلط النخل والدوم=بر الامان ان شفت عاليه قزه منصور بن صبح ان كانها باالسيف لاطم وملطوم=ترى العلم في راس ماطال رزه ماصدق اللي يحسب الامن بيدوم=لابد له راحل واقوللك عزه |
العالم الفلكي مشكور على التنسيق
|
العالم الفلكي مشكور على التنسيق
|
العالم الفلكي مشكور على التنسيق
|
| الساعة الآن +4: 02:49 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
