سلام والماضي علومه دهايـا=الله وهوربـي يـزود فراقـه
فرقاك ياوقت الجهل والجنايـا=وقتل النفوس الطاهره والسراقه

يا مرحبا وكثـر عليـك التحايـا=في مجلس اهل الذوق واهل اللباقه
يا حيف يا وقت الوفـا والعطايـا=جاه الزمـان الممتلـي بالحماقـه

فيك البقى يا شوق حمرالشفايا=في مجلسٍ تجلس معاك الرفاقه
وقتن حلالك فيه يصبح هدايـا=خله يولي وش تبي في عناقـه

اخذت من جدي وابوي الوصايا=حافظ على دينك وصون العلاقه
هذا زمان العولمـه والخفايـا=عالمه ما بين الجهل والطفاقـه

هذا زمـان المعرفـه والبنايـا=وعلمن ياطرطنقي وسيعن نطاقه
وجدك وابوك مع الفيافي حفايا=في وقتهم يقتل رجل لجـل ناقـه

هذا الزمن لو جاب عدت مزايا=الحلو بـه لابـد يقلـب مذاقـه
في وقت جدي ما تشوف العرايا=ما تشوف غير الدين واسع نطاقه

اكبر جرايم خل عنك الحكايـا=قتل النفوس الطاهره والبواقـه
اما العرايا كم وكم مـن خفايـا=وين انت عن راع العلوم الدقاقه

هذا رسول الله عـذب السجايـا=بدل طبوع الناس وصارو صداقه
حتى الصبايا ماهي مثل الصبايا=قلبي على الماضي تزايد حراقه

رسول ربي قاتـل اهـل الدنايـا=تقطع يد السارق ويقطـع عناقـه
وفي شرعنا الحاضر تساق المطايا=ماهو بوقـت ابـو معـم ونفاقـه

هذا رسول الله يقود السرايا=يا حيف يا وقته يزيد اشتياقه
الحاضر الي فيه كثر الخطايا=يالله تصلح وقتنا مع رفاقـه