الـــــــــــــــــشـــــــــــــــــعــــــــــــ ــــــــــــــــــــــــــــــر

بين الحنايا شي ودي اقوله = بس المشاعر يمنعني عن القول
الشعر ماهو كلمتين بسهوله = الشعر غالي يمكن اغلا من الول
بالعولمه والناس صارت عجوله = كلن يبي يكتب قصيده على طول
والناس كل الناس دقو طبوله = كلن قصد بالناس صاحي ومهبول
الامسيه صارت تحدي فحوله = فحيل ويغطي على ناسن فحول
هذاك له جمهور لاصفقوله = قام يتخبط ياخذ العرض بالطول
وهذاك له ناس يصفون حوله = قصايده مليون ماكملت حول
شاعر بني عمه ولاحدن بحوله = اغلب قصيده قلب متعلق بزول
الشعر حكمه كان تجهل اصوله = وبناه اصعب من بناء البرج مدبول
بحرن غزيرن يتعبك جلب لوله = ان جبت لول البحر يمكن له تنول
ياهل المشاعر شعرنا افطنوله = ياهيه لايضيع الشعر هاتو حلول
خلو المجامل خوف ناسن زعوله = نبي شعر حكمه ومعنى على اصول

صح لسانك
ولاهنت اخوي

تقبل مروري