يامرحبا ترحيب وافي وومدبول
 

9999bani-3abs
252252bani-3abs
655bani-3abs
هذه قصيده للشاعر:عادل الــــــــــــــذيـــــــــــــــــــــــابـــــــ ــــــــــــــــــي


يامرحـبـا ترحـيـب وافـي ومـدبـول
ترحيبـةٍ وسـع الفيـاض وبحرهـا
ترحيب لا هل العـز والطيـب مرسـول
اعـداد ساعـات الزمـان وشهرهـا
واعـداد مايعجـز لسانـي عــن القـول
عن شكر ناسٍ ماوفى لـو شكرهـا
واعـداد ماسجيـت والـبـال مشـغـول
بأسباب فرقـا اللـي حياتـي دمرهـا
واعداد شوقـي لـه مـن الحول للحـول
وانـا اتحـرى جيتـه وانتظـرهـا
في شاعرسـاق المعانـي علـى وصـول
يشكـي مـن اهـوال السنين وكدرهـا
جانـي وقلبـي ممتـلـي هم وغـلـول
ولمّ الهموم وفوق همـي زبرهـا؟
بـاح بحقيقـه صمتهـا كان مـذلـول؟
أعظم جريمة قتل وأبشع صورها؟
وقصة(بـري عاجز)بـالاغـلال مكـبـول
اخفـى حقيقتهـا الزمـان وسترهـا
وسرابـي الهاجـوس والقـاف معسـول
وحضّرت عفريت القصيد وحشرها؟
وبديت اسطرهـا بـلا جهـد مبـذول!
نوب اتعاسرها ونـوب اعسرهـا؟
يامرحبـا بـك جيـت والحبـل مفتـول
وجيت انقضه؟واتبـع بقايـا اثرهـا!!
اصبـر عليه واستمـع كـل مـاقـول؟؟
واحفـظ وصيـة شـاعـرٍ ماذخـرهـا

شاعـر يصـول بجبهـة الشعـر ويـجـول
وليـا انكسـر وزن القوافـي جبـرهـا

خيّال كـان الشعـر لـه ركـب 00وخيـول
وادمح خطأ ناس ونـاس أحتقرهـا
يوم ان غيري عـاش محفـول مكفـول
عشت الظروف بخيرها وبقشرهـا
وماهنـت نفسـي عـنـد ذولاولا ذول
وماعاش مـن هـان النفـوس _وحقرهـا
صاحبت بالدنيـا سرابيـت وزحـول!!
وبعـض الوجيـه بنظرتـي ماعتبرهـا
ماكـل ماتسمـع مـن النـاس معـقـول
وماكل مـن شـاف الحقيقه ذكرهـا
وماكل زرعٍٍ لـو سقـي منـه محصـول؟؟
وماكـل شجره ينجنـي مـن ثمرهـا!
كم عاقـلٍ عقـب العقل عـاش مهبـول؟؟
وياما رجال الوقت جـار وسطرهـا!
وكـم سطّـر التاريـخ فارس ومخـذول؟
وكم عز نفس وكم نفـوسٍ ثبرهـا؟
للحكـم عقل وللوغـى رجـال وعقـول؟
وللخيل ركب وللمسـاري سهرهـا
وللسلـم حلف وللقـى سيـف مسلـول؟
وللخـوف ضعف وللمنايـا قـدرهـا!
ومن ديـرة المنفا الـى دار ابـا الهـول
تبــرق سـمـاهـا والـرعـد مصتقرهـا؟
مـن علّـم الاطفـال بحكايـة الـغـول؟
واذهـل فلــذات الـكـبـود وذعرهـا؟؟
ضاعو رجال العرف فـي زحمـة خبـول
وراحو صناديـد الرجال بخبرهـا؟؟
يابـو هجر زنـدي مـن الدمـع مبـلـول
ونفسي عن احلا مـي زمانـي عسرهـا
دروبنـا يابـو هجـر مابـهـا وصــول
وعزومنـا ظيـم الليالـي كسرهـا
والـدار غربه والوطـن صـار معـزول
نكبة زمن واللي عمرهـا دمرهـا!
قبلـك صبـرت وبـاب الا فـراج مقفـول
وطالت مشاويـر السهـر فـي سهرهـا
واصبحـت فـي واقـع متاهات مـذهـول
وعجزت اميز شمسها مـن قمرهـا؟
تلعب بـي الدنيـا علـى كـف مسطـول؟؟
اغدى الدروب وللمهافـي حدرهـا؟؟!
مدري صبـاح احلامنـا مـات مقتـول؟
ولا انتحر صبح الفرج واختصرها؟؟
لكـن علـى الدنيـا سلامـي وياحـول؟؟
صكت علينـا خدوشها مـع قهرهـا
وماقلـت يكفـي بـس ابعيـد واقــول
نكبة زمن واللـي عمرهـا دمرهـا
23232bani-3abs

صح لسان شاعرها
ولاهنت على النقل الجميل
تقبل مروري

صح لسان الشاعر عادل الذيابي /ويا ليت أخي العزيزالماجدالذيابي ان تظع وقت اكثرمن اسبوع لتنزيل قصيده لعادل الذيابي
لحيث ان ارى المتصفحين لقصايد عادل قليل/لحيث كثرة القصايدالمطروحه له/وارجوان تنسق القصيده بشكل الصحيح قصايد عادل الذيابي غاليه وجزله
تحياتي لك ومشكور/

ماطللبت شيء وشكرا علي المرور

مشكور علي المرور

مدري صباح احلامنا مات مقتول ...............والا انتحر صبح الفرج واختصرها << يصلح توقيـــع


صح لسسان الشاعر عادل الذيااابي

علي رايك بس مشكور علي المرور