|
الكابتن××شاعر الوطن
بسم الله الرحمن الرحيم
السلام عليكم ورحمة الله وبركاته هذه المحاورة بين الشاعر الكابتن والشاعر شاعر الوطن الكابتن قدام لا يبين الصبـاح وينقضـي ثلثيـن ليـل=سلام من شاعر طواريقه تشد الانتباه وش بعد كف الأدمي عن قبضة إنصاب الحصيل=ياهل ترى ؟تطغا عطايا عبس عن مد القضاه شاعر الوطن قدام لا ترجع ورى ليلك معي ليل ن طويل=يامرحبا لو حيلة الاسقاط ما تمشي علاه بعد السماء والارض ولا نجمة الصبح وسهيل=عبس الكرم والوضع يالكابتن ترا فيه اشتباه الكابتن إليا قدمنا ما رجعنـا والرجـوع المستحيـل=فيك البقا يا شاعرٍ ياالله عسى اسمه مستواه خلك طموح وراعي الصفراء ماهو فارس ذليل=يمكن من الدوحه تطير طيور من حذفة عصاه شاعر الوطن انا اشهد انك شاعر امخضرم ولا مثلك مثيل=خلك معي والعلم يالكابتن يوصل منتهاه اكبر طموح ان الرجل مايمرها عابر سبيل=يحط بصمه باقيه طول الدهر تسكت عداه الكابتن سولف ترى ليل الدجا قفا ويومي له شليل=أخاف تشرق شمس بكره والخبر مبعد مداه جميل كل اللي تقوله مير به شي ٍ جميـل=الله يضبه العلم لين إنها تمسك يداه شاعر الوطن ابقلب الموضوع لن الوضع ما يشفي الغليل=يالكابتن اللي كان تل الطايره عقلي معاه لو كل من سمي نبيل يطلع على الدنيا نبيل=ارتاحت العالم بوسط القبر ولا فالحياه الكابتن أقلب على كيفك عسى ما مدتك مـدة بخيـل=وإن قلت حيا للفلاح اقول حيا للصلاه يا أبو نبيل أحرص على وزن القوافي لايميل=ترى الشعر وزن وقوافي بينٍ للي قراه شاعر الوطن الناس تنظر للقمر وش هو تحط وش تشيل=لو القمر يرسل عليك اليوم من عالي سماه لو كان به ميله ترا يمكن من اللسانك ثقيل=كلن يصرح للاذاعه والجماعه ما تباه الكابتن إن كان عينك باالسماء شف وش جرح صدر المخيل=ياالله عسا تشوف السحاب اللي نثر فاالقاع ماه بلغتك بنص الرساله ما لزمتك يالعميل=والمشكله لوني أوصيك ما تحفظ الوصاه شاعر الوطن اشوفها بلوه تجي عبر السما لاخر موديـل=وانا من الموضوع اقول الوقت هذا وش بلاه بلغتني وانته من الشعار لك وزنن جزيل=لكن فسرها ترا الموضوع مخطورن صداه الكابتن لا سربت دلتـك لا تشـرب ويشـرقك الحثيـل=وتصير مثل مقيط يوم اقفا ومعه اقفا رشاه ماودي أشرحها وبين شرحها واعطي دليل=يفرح بها اللي مع طوارف عبس ماتثبت خطاه شاعر الوطن هذي نتيجتها كبير القوم ما جـاب القليـل=وشبل البدو طايح بوسط افريسه وين النجاه ابيك تشرحها عدل عشان مايجهل جهيل=ان الزمن دوار لو الشيطنه قصت علاه الكابتن يا صاحبي جور العواصف يذبح عذوق النخيل=لو يزعل الفلاح غصبٍ عنه مقسومه رضاه بكره تدورها وتلقاها على ذروة شعيل=فوق السنام مربطه ماهي تحت كم العباه شاعر الوطن قالو رحل يم الهنود اليوم فوق اشداد فيـل=متواري الانظار والعربان تبحث في خفاه هذا الولد مضبوط ما يوجد ترا مثله بديـل=قال المثل أشر على اذنك ياحبشي وشر قفاه |
مشكووووووور يالعالم الفلكي على التنسيق
محاوره قيمه وتستاهل القراءه لعدة مرات |
بيض الله وجهكـ يالعالم الفلكي على هالمجهود الرائع ./
وصح اللسان الشعراء محاوره راقيهـ وقويهـ ../ |
إقتباس:
|
إقتباس:
|
الله يعطيك العافيه
يالعالم الفلكي محاوووره طيبه صح اللسان الشعراء وتسلم ايدينك |
إقتباس:
|
محآوره رااااااائعه .. وأبدآع لا هنت على التنسيق العالم الفلكي..
|
| الساعة الآن +4: 09:52 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
