الصيف عدى لا شجون ولا حدس = والربع يا أحمد لا سلام ولا كلام
مروا مثل حلم(ن) على شوفي يبس = وأغضوا مثل علم(ن) تقفاه الملام
والدمع لامنه وصل عيني نكس = عيا يسيل الدمع ملعون الرحام
ما عاد لي يأحمد على الطرقة نفس = الدرب موحش وآخر الطرقة ظلام
لولا عيون اللي اليا منه نعس = أركا هدب عينه على قلبي ونام
خرس(ن) مظاليلة تقل صفت حرس = لا سلام اللي تقل يضرب لي سلام
له لهفت(ن) قرمة وله هيبت فرس = أن مر يغري وأن تجلى ما يلام
وأن مال يهوس وأن ركز عمره هوس = وأن سج ضعنا من غمام أليا غمام
وان قام محد(ن) من حوالينه جلس = كنه يقول لمن حوالينه قيام

زعيم الشعر وسيفه : مساعد الرشيدي

ما عاد لي يأحمد على الطرقة نفـس=الدرب موحش وآخر الطرقـة ظـلام