قبيلة بني رشيد - السبع الضاري××المهم1

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر السبع الضاري والشاعر المهم1

السبع

المهـم الليلـه اسبـق مـن شعـاع الـذره=لا قتفاه الريح وشعوب الغروق اشباحه
الكواكب بالسماء بعيونهم مفتره=عين واحدهم نشبها خرز مسباحه

المهم

المهم ان جاك خيره لاتدور شره=العصى بيديه وشعيل الجمل بمراحه
وانت ياسبع الخلا ممكن تعيد الكره=بيتك الثاني تراني جاهلن مفتاحه

السبع

الجمـل شوفـه بعينـك لاتقـص الـجـره=النظر لاتتعبه بمراقب اللوماحه
ياوسيع المعرفه غصن الشجر لاتجره=سرها مسرا الذيابه واعتبرها اسياحه

المهم

انت سبعن لو كحلنا عينه المحمره=مايبين الكحل بعيونه ولا له راحه
المطر حدر حصى الحره ياراع الحره=وانت عينك مالها ضد المطر مساحه

السبع

ماتوصلنـي معـك ليـن ادخــل المغـتـره=ثم تجلس بالظلام وتفرش الطراحه
الذيابه مايجيها الموت بغت وغره=مير تنكبها كلاب الشاوي النباحه

المهم

داخل المغتره اخلاق البشر مفتره=ماتخلا تمترح فيها امترح بالساحه
كل بابن فيه ريحه لا تفكه زره=انت تدري ماخراب الشي مثل اصلاحه

السبع

انـت عــارف ماضريـنـا بالحـيـاه الـمـره=نفرض الزله ونرجع من غبا الزاحه
وين اروح وقيض نجد احفا سبوتي حره=والضمير الليل كله ماهتنا بمراحه

المهم

ازرع النخله ماتاكل تمرتك بالصره=واصلح الداخل قبل جيش العدو تجتاحه
مالك الا درب واحد من كرهت اتبره=صاحب اخوك المهم ايطلعك بالواحه

السبع

كنـت افكـر بالنخـل باليـوم مـيـة مــره=مير خفت اخسر حلالي ماملكت افلاحه
كان ماضريت اخوك ابذمتي ماتسرة=الصراحه لو مابيها والله انها راحه

المهم

كان وضعك وضع مزري قر جيبك قره=ومسح الدمعه ولالك بالحياه افراحه
الردي لو ننفعه شين القفى والغره=مايهمه دم ابوه ايذانب ال ذباحه