لاهل الوفاء والعرف جينا مسايير=واجب علينا نلفـي اللـي دعونـا
جينا لهم نطوي بعيـد المشاويـر=من شيمة اللي من غلانا اذكرونـا
اللي لهم بالقلب حشمـه وتقديـر=جيرانا اللـي بالوفـاء جاورونـا
حرب العريبه محتمين المظاهيـر=اهل الوفاء والطيـب ماينكرُونـا
نعمٍ بهم يروون حدب الشواطيـر=بافعالهـم واقوالهـم يعرفـونـا
يامابهم مـن خيريـن ومناعيـر=اللي بفعـل المرجلـه يظهرونـا
اهل الوفاء واهل الكرم والتباشيـر=في مقدم الضيفـان يستبشرونـا
واللي جمعنا له مـن الله تياسيـر=زيد الفريـدي ليـه ماتصفقونـا
حقه تحيه من جميـع الجماهيـر=قلته وانا اولكم علـى المكرفونـا
يستاهل التقديـر واف المشابيـر=عزمه قوي يوم الرخم يضعفونـا
واذكر وبشكر في جميع التعابيـر=اللـي تعنـوا لجلنـا وبلغـونـا
عطاالله خويتم زبـون المخاسيـر=زبونهـا يـوم الرخـم يفشلونـا
ولاهل الوفاء نتعب زياده عن الغير=مقدار واهـل الطيـب يستاهلونـا
هذا كلام الصـدق مابـه تناكيـر=جدودنـا لفعـل الوفـاء علمونـا
والا الردي ماعطيه حتى معاذيـر=ماودنـا باهـل الـردى ولايبونـا
قلته واقولـه والليالـي مقاديـر=هذا كلامـي والعـرب ماجهلونـا
كلمـة رشيـديٍ تهـز الطوابيـر=الله يشهـد والبشـر يشهـدونـا
يوم المعارك والسيـوف البواتيـر=عدواننـا عـن دارنـا ماخلفونـا
ولا اقول بحقوق الرياجيل تقصير=نعمٍ بهم جميـع مـن يسمعونـا
كل القبايل والنعـم فيهـم الخيـر=ذروة سنـام المرجلـه ياصلونـا
وارجو السموحه يالوجيه المسافير=يامن حضر يا معزبـي سامحونـا

اقتباس من مشاركة محمد الجريشي (المشاركة 969798) هذه القصيده شاركت فيها بحفل كان عند الشيخ زيد بن حماد الفريدي رئيس مركز الهميج احدى قرى قبيلة حرب التابعه لمنطقة الحناكيه بالمدينه المنوره والمناسبه اجتماع القبائل المجاورة لقبيلة حرب وكان لي الشرف انه وقع علي الاختيار لتمثيل ابناء عمومتي ( بـنـي رشـــيد ) لاهل الوفاء والعرف جينا مسايير=واجب علينا نلفـي اللـي دعونـا جينا لهم نطوي بعيـد المشاويـر=من شيمة اللي من غلانا اذكرونـا اللي لهم بالقلب حشمـه وتقديـر=جيرانا اللـي بالوفـاء جاورونـا حرب العريبه محتمين المظاهيـر=اهل الوفاء والطيـب ماينكرُونـا نعمٍ بهم يروون حدب الشواطيـر=بافعالهـم واقوالهـم يعرفـونـا يامابهم مـن خيريـن ومناعيـر=اللي بفعـل المرجلـه يظهرونـا اهل الوفاء واهل الكرم والتباشيـر=في مقدم الضيفـان يستبشرونـا واللي جمعنا له مـن الله تياسيـر=زيد الفريـدي ليـه ماتصفقونـا حقه تحيه من جميـع الجماهيـر=قلته وانا اولكم علـى المكرفونـا يستاهل التقديـر واف المشابيـر=عزمه قوي يوم الرخم يضعفونـا واذكر وبشكر في جميع التعابيـر=اللـي تعنـوا لجلنـا وبلغـونـا عطاالله خويتم زبـون المخاسيـر=زبونهـا يـوم الرخـم يفشلونـا ولاهل الوفاء نتعب زياده عن الغير=مقدار واهـل الطيـب يستاهلونـا هذا كلام الصـدق مابـه تناكيـر=جدودنـا لفعـل الوفـاء علمونـا والا الردي ماعطيه حتى معاذيـر=ماودنـا باهـل الـردى ولايبونـا قلته واقولـه والليالـي مقاديـر=هذا كلامـي والعـرب ماجهلونـا كلمـة رشيـديٍ تهـز الطوابيـر=الله يشهـد والبشـر يشهـدونـا يوم المعارك والسيـوف البواتيـر=عدواننـا عـن دارنـا ماخلفونـا ولا اقول بحقوق الرياجيل تقصير=نعمٍ بهم جميـع مـن يسمعونـا كل القبايل والنعـم فيهـم الخيـر=ذروة سنـام المرجلـه ياصلونـا وارجو السموحه يالوجيه المسافير=يامن حضر يا معزبـي سامحونـا وســـلامتـــــكم شعر اخوكم محمد ربيعان الجريشي