|
المهم1××شاعر الثقلين
بسم الله الرحمن الرحيم
السلام عليكم ورحمة الله وبركاته هذه المحاورة بين الشاعر المهم1 والشاعر شاعر الثقلين المهم1 ياصاحبي ياشاعر الثقلين في صدري علوم=وهموم غير الونه اللي بالحشى ونيتها عفت المطيه والشداد وعفت مرقاب الرجوم=وهن الجسد واصابته والنفس ماداويتها شاعر الثقلين ياصاحبي لو تبني الامجاد من حب الخشـوم=جاها الزمان اللي يفجرها ويهدم بيتها ترى السما واهو السما تنزل من طروقه نجوم=خل المطيه كان في عز الضحى ذكيتها المهم1 السالفه ماهي ملل شين مقدر ومحتوم=ولاهي كلل سلمى وهي سلمى الجبل عديتها صحيح من قال العوافي يابنادم ماتدوم=ولكن مالله ردها للحال مارديتها شاعر الثقلين يالله ياغفـار ياقيـوم يـارب ٍ رحـوم=ياللي كفوفي في دجى الاسحار لك مديتها انك تفرّج كربة اللي منتصب بين السهوم=يامعذب قلوب العباد ان كـان ماحبيتهـا المهم1 ياكثر مايبدي من الدنيا على الفارس ثلوم=وللي سمعت ابها على بعض العرب لاقيتها غصنن زرعته بالبراد ولا زرعته بالسموم=هزيت جذعه لاكن الاوراق ماحتيتها شاعر الثقلين ترى المراجل كان ضاعت مايفيدن الختوم=يااهل البيوت اللي نهار العيد مامريتها تركتني بالصالة الجردا بتذكرة القـــــــدوم=الد عيني للكونتر والظروف ابديتهـــــــا المهم1 ان طافك اليوم الكبير اقعد مكانك لاتقوم=وشطر يدينك لا تنوش الجمر لا دفيتها فصلت لك ثوبن على قدك من خيار الهدوم=ولبست ثوبك لاكن المخباه ماعبيتها شاعر الثقلين مااحرص على يوم الجهل مسلم ليا صليت اصوم=ياللي صـــلاتك لاتذكــرت القبــر صليتها اثرك مفصل للثياب اللي وسيعــــات الكمــــــــــوم=وعينك على خيوط المخابي كل مادقيتها المهم1 ياصاحبي ما هاي هاي الظاهر انه جاك نوم=فتحت عينك ربع ساعه ورتخت وغضيتها قسمتلك قسمن شريف ومن كبيرات القسوم=والثوب ماهو عيب والمخباه ماحليتها شاعر الثقلين ماباقي ٍ من حزب تغلب غير بعض من الرسوم=اللي باساميها على نقش الحجر سميتها انا ماذمك يالدفاع اللي تصــــدى للهجــــــــــوم=عسى ثياب العيـــد قد ايديـــك لازريتهـــا |
صح اللسان العملاقين شاعر الثقلين والمهم 1
ولاهنت على التنسيق يالعالم الفلكي ../ |
عمالقه شعر
شكرا على التنسيق |
محاورة من اجمل ماسمعت هذا الموسم بيض الله وجيه الشعراء على هالبيوت الطيبة اللي امتعونا فيها من جميع النواحي والله يعين المهم ويشفيه ويوفق شاعرالثقلين وكل الشكر للعالم الفلكي على التنسيق
|
صح الله لسان الشاعرين المهم 1 وشاعر الثقلين وبيض الله وجيهم . صراح من افضل المحاوراة التي قريت من ناحية الفتل والنقض والمعنى . صح الله لسانكم ولاهنت على النقل يالعالم الفلكي على النقل
|
إقتباس:
|
إقتباس:
|
إقتباس:
|
| الساعة الآن +4: 09:05 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
