هاضت هجوسي جت على مانريدي=مشاعر فيها الفرح واصل اقصاه
ليلي قضيته لين صبحه سعيدي=والنوم ماقرب لجفني ولاجاه
فرحان واسطر وينبض وريدي=قصيد يطرب طيب الفكر معناه
معنى يزود بالقصايد رصيدي=لاجبت بيته كل واحد توحاه
عودة طويل العمر عبدالمجيدي=سالم وطيب يم دار تحراه
سووا له استقبال ضخم وفريدي=مليكنا اللي وامر به ويرعاه
وسلطان واخوانه ونجل وحفيدي=واللي وقف له بالمطار يتحراه
مرتاح ويقول المشاعر تزيدي=وتشوف نظرات الفرح في محياه
عودة حبيب الكل للدار عيدي=يفرح به اللي موجعه حر فرقاه
اشهد على حبه وغيري شهيدي=راع المكارم باول الوقت واتلاه
حلو النبا والراي دايم سديدي=يصعب على غيره يسوي سواياه
حر ولد حر ومجده تليدي=الطيب من فكره وساسه ومجناه
شف بالمدينه كل شي جديدي=وتطوير مكه يوم جاها تولاه
تقول للبيتين ساعي بريدي=جند لها فكره وماله ويمناه
وصلف يوطي كل راس عنيدي=سوه على اللي ماتجي زينه ارياه
افعال ماحصيها ببيت القصيدي=لكن لياذكرت انا الاسم كفاه
تقول شهرة خالد بن الوليدي=يفعل مثل فعله ويحمل مزاياه
هذا المشارك من هجوس الرشيدي=يالله تجمل كل ماقلت يالله