تعبت من ممشى على غير مشهـاي وتعبت من صبرٍ على غيـر غايـه
طاحت عزومي ليـن قلَـت نوايـاي وابعدت من مبداي لصـوب النهايـه
الوقت ذا هـو بطبعـه وانـا ايـاي انـا صـدوق وذا زمـان الدعايـه
يالله ان تعاوني علـى كبـر بلـوي ويالله ان تقدينـي طريـق الهدايـه
أشكي من الماضي وخوفي من الجاي ولي فـي ملمَـات الليالـي درايـه
لو كنت اعرف ادواي ماخفت من داي اخيـر مـن طبـة طبيـب الوقايـه
سبحان من يعرف مقاسيـم دنيـاي فـي صفحـةِ ماتنعـرض للقرايـه
اليا غدى وقتي جزوعٍ مـن حكـاي ادوي بهاجوسـي علـى كـل نايـه
وليا كسرني هاجسي صوب مركـاي فايه جبرنـي نخـوة دموعـي آيـه
وان شفت همي مانقص من تشكواي اخترت من نطـح الهمـوم القفايـه