قبيلة بني رشيد - سيق لا يمكن تخون

ياقصيدي خابرك سيف لا يمكن تخـون = لا بغيتك ماتعـذرت فـي جـزل الكـلام
ماهي اول مره تقـول لشاعـر تمـون = ولا هي اخر مره ترد في عرف ونظـام
بس هالمره عن الغير خاويت السكـون = ازهمك واخذت مده وانا اقـول الهمـام
واحمد الله رد ثم قال كل امـر ٍ يهـون = قلت رد لسيـد العـز والنـاس الكـرام
قال هات اقلامك ودفترك واكتب بهـون = وللذي مثل المسمـى تحيـه واحتـرام
ثم بديت اكتب على الطرق واجر اللحون = لين صار القاف والوزن والمعنى تمـام
كل كلمه قالهـا حـق ياللـي تعرفـون = ذكر الناسـي وللذاكـر يشـد الحـزام
قال وش تبغى بكبر العلابـي والمتـون = خل خلق الله وراقب صلاتـك والصيـام
بس لا تنسى السوالف يزودها مغبـون = يدبل الكلمـات ويبـدل الواضـح ظـلام
لا تحاسب غير نفسك ولا تغيضك عفو ن = وش عليك من الخرافات وبيدك الزمـام
الله اكبر كنه يقول يخسـى الخاسئـون = في ادب يقولها لكـل ملعـون الرحـام
قلت صح الله لسانك وجاريتـك بكـون = شاعر ٍ معجب بشاعر ومن ناس ٍ حشام
والنصيحه تشترى وانت للشدات عـون = رجل وافي والمدى من عزيزين المقـام
سيف ٍ ابتر للعداء وللنداء صدر ٍ حنـون = ماتعرف تقول بعدين مـردودك شمـام
والله ان عبيد عبدالله اغلى من العيـون = الصديق الشاعر اللي على اكمل وجه قام
والسموحه والقصايد على شكل الفنـون = وخاطري لمصافح اللي مثل شرواك هام

شعر // أخي // حميد حمدان الرشيدي