28 حرف للشطر
 

بسم الله الرحمن الرحيم
السلام عليكم ورحمة الله وبركاته
هذي قصيدة من جديدي وهي على وزن جاهلي لا يزال يستخدم في عمان ، عادة يستخدم في المناضرة لصعوبة المناضرة به لأنه لا يعتمد على وزن الكلمات ولا على وزن شطر القصيدة ككل، وانما يعتمد على عدد الأحرف في كل شطر، ارجوا ان تحوز القصيدة على اعجابكم:

يا مبتدأ كل جملة وياللي نورت خبرها
ويامن أخذت احاسيسي وقلبك بي عصرها
غلاك في قلبي مرموز ولا يحله ترجمان
يغير معاني الغلا ويزيد في منظورها
لو تجلس على كرسي تقشعر قوامه ويذوب
جماد ذاب بحسنك وبشر احاسيسه سترها
سنين وحبك في خافقي يحوم محد"ن" درابه
اخفي غلا الأحاسيس ولو حرقني جمرها
ايه احبك وحبيتك ومستمر بحبك يا غلى
لو اموت بالمحبة واصير خليل لقبرها
عمري ما تخيلت انه في احساس ما ينتهي
الين حبك سحب احاسيسي من داخل جحرها
وجدت همسات عيونك تحاكيني نضراتها
تقول لي فك اسر اشواق قلبك عني اسرها
وتفجرت عيون من عشق وينابيع وانهار
وجاتك بحور بها الشوق حامل لك دررها
ابيات شعر بوصف بها شوي من خافي غلاك
ولا غلاتك ماقدرت بحور الشعر حصرها
وصوف حبك تشبه اوصاف وصفك يا معشوقي
تجمع محاسن العالم ببحورها وببرها
تعشق برقة ولك عمق في نضرات احاسيسك
بها يتطاير قلبي، بها يسافر مع سفرها
يا خيال حاضر، حلم مضى، ومستقبل منشود
يا فصل سمى عن الفصول ببردها وبحرها
يا من تملكت بي احاسيس شامخة بالطول
ينسدل من فوقها حر الأشواق لي ظهرها
نسيت كل تضاريسك يوم عيونك انشدتني
وهزتني لمسة حبك وطيحت همي عن خصرها


وسلامتكم

صح السانك وبيض الله وجهك على هالقصيده الجزله

حياك الله اخوي
صح لسانك
اشكرك ع هالقصيده وتقبل مروري

صح لسانك اخوي وتقبل مروري

صح لسانك وقصيده رائعه

احمدسبيتان، مرزوق العجوني، برق الوسم، العالم الفلكي
صح الله بدانكم، ومشكورين على المرور

صح الله بدنك والله لا يهينك، تسلم على المرور