البارحه مانمت حالي تقل ماش=اسباب قصه كلها هم واحزان
قصه تخلي صاحي العقل ينداش=قصة فتاةٍ ضامها جور الازمان
من جور ماجاها لها تسمع اجهاش=تبكي فراق الاب واعز الاخوان
اللي بساعه جاهم الموت طراش=فجيعةٍ ياكبرها عند الانسان
والله هزتني وانا ثابت الجاش=وخانتني العبره وسيلت الاوجان
ومالومها لو دمعها كنه ارشاش=مير الصبر محمود في كل الاحيان
والوقت يابنت الاجاويد غشاش=وامر الولي ماحدن يرده ليا كان
والموت ماحدن عنه يابنت ينحاش=لاحل ياتي دون زودٍ ونقصان
مني خذا عودي وبلشني ابلاش=وغديت عقبه طير مكسور جنحان
ناديت انا كل الدكاتر للانعاش=وحل القضاء ماينفع فلان وفلان
والموت لوهو دون الاجواد ينهاش=يمداه ماروح بذربين الايمان
يمداي ذاخر له ذخيره ورشاش=من دون ابوي اللي رباني كحيلان
والمال لوهو يقبله ندفعه كاش=ويتوب مايفرّق جماعه وخلان
لكن لايهرّج ولاهو بيناش=ينفذ على حاكم وتاجر وفقران
امر الولي ينفذ على البر والطاش=ويدرك لو انك على غر الامزان
يارب ترحمنا ليا حل قشاش=وضاق النفس فينا وراغن الاذهان
والروح من وسط الحشا تقرش اقراش=ثم ارحلت للي خلق خضر الاغصان
وتحفر لنا حفره ويقطع لنا شاش=وبعد السعه في ضيق الالحاد مسكان
يوضع من التربه لنا الحاف وافراش=في ساعةٍ ماينفع العبد صدقان
رحتمك ياللي منك الارقاب تعتاش=رزقتها من مد جودك والاحسان
وصلاة ربي عد ماهل رشراش=على النبي المصطفى نسل عدنان

اقتباس من مشاركة برق الوسم (المشاركة 906067) الشاعر محمد ربيعان الجريشي صح لسانك الله يرحمنا ويرحم اموات المسلمين لاهنت يامحمد ع النقل الرائع بنتظار جديدك تقبل مروري

الشاعر
محمد ربيعان الجريشي
صح لسانك
الله يرحمنا ويرحم اموات المسلمين
لاهنت يامحمد ع النقل الرائع بنتظار جديدك
تقبل مروري

اقتباس من مشاركة الوافي99 (المشاركة 907094) الشاعر محمد ربيعان الجريشي صح لسانك الله يرحمنا ويرحم اموات المسلمين لاهنت يامحمد ع النقل الرائع بنتظار جديدك تقبل مروري صح بدنك ومشكور ع المرور مرورك اسعدني