شفت الجبل نايف على كل الجبال=قلت الجبل هذا من اجبال الهدا
جيته وأنا أدور عن الشمس الظلال=والجاش فيه من العطش بدو اتحدا
عطشان واشعر باكتئاب وضيق بال=واخشى بصيص من الامل يذهب سدا
دورت ظله من جنوب ومن شمال=لين الجبل كله عن عيوني غدا
سئلت عيني واقعي والا خيال؟=قالت خيال وقلت ياعيني فدا
طوحت صوتي في رجاء كلمة تعااال=لكن مال الصوت فالصحراء صدا
ضليت احسد ارضي على الجم الزلال=واحسد عيون الماء على شوف الندا
واغار من راسي على لبس العقال=واخشى على الافكار من بعد المدا
واشم ريح المسك في صدر الغزال=واثر الغزال من الوحوش الشردا
اروح وارجع لاجواب ولا سؤال=بالصمت والحيره بديت مهددا
واشره وعاتب كل ماحان المجال=متى المجال يحين والريح اتهدا
الليل هود والقمر كبر الهلال=نص الشهر كن الشهر دوبه بدا
لامن شمالين يقول انص الشمال=ولاجنوبين يقول اطلع شدا

الله الله يابو وليد
هنا تتضح الخبره واختيار المفردات
الجميله
كعادتك دائما" مبدع
تحياتي وتقديري

قصيدة لاتحتاج الى اشاده من شاعر مبدع سجل اعجابي
شكراً