هلا يامرحبـا رديتـن مليـون فـي مليـون=ارحب بالجميع امن الهجوس وصـادق النيـة
ترى اللي يطلب العلياء مايمسي والبشر يمسون=يكافح بالزمان ويعرف الحسنـة مـن السيـة

يدوم لك البقاء يالي ترحب والعرب يقـرون=اقوله من هجوسن ماعليها قصـور موليـه
تراء اللي يطلب العلياء ماينظر ياجماعه دون=يجيب الطيبه والقلـب مايرضـى الدوينيـه

ياهاوي تحسبن الناس ياهاوي بدون عيون=نشوف اللي حصل تكرار هذي نفس هاذية
رجال المرجلة يم العلاء بعزومهم يسعون=وبه ناسٍ يبون الطايلـة بحـلام ورديـة

على وضح النقـاء تـدرون ولـى عـاد ماتـدرون=ولكـن راجــع التعـديـل يــاراع الحناكـيـه
تراء ارجال الكرم مهما حصل بالوقت مايشحون=يعينـون الضعيـف ويكسـبـون الـعـز والهـيـه

ترى دار الحناكية مالي فيها ياهـاوي لـون=دياري دار عبس منزحين الخصـم جبريـة
طحاطيح الرجال اللي لبرج المرجلة يصلون=على وضح النقاء يصلون مايصلون سريـة

تراء كل الديار اديارنا ياصاحبي بالهون=ترانـا كلنـا ياصاحبـي وسـط السعـوديـه
عسى ربي يعز اللي علـى ميعادهـم يافـون=رجال الطيـب تعـرف بيـن خيالـه ورجليـه

ديار الجار تبقى كيف تسحب فوقهم سيفون=ترى هضم الحقوق الله يجيـرك لليهوديـة
عسى ربي يعز اللي ليا من قالوا يطولون=رجالاً ماتطفى نارهـم ياصاحبـي حيـة

ديـار الـجـار تبـقـى والـرجـال ارجــال مايشـكـون=وهــذي ياطـويـل العـمـر بـاهــل الـطـيـب مـاريــه
عسى الله ينصر المسلم نصر موسى على فرعون=انــا اطـلـب ربــي المعـبـود دائــم وارفــع ايـديــه

تراني تم ترشيحي بحزب العمدة الميمون=ابجلد كل شاعر ينتسب لاحـزاب قوميـة
لاتطلع من صميم البيت وانته هكذا ماتمون=ويزعل عمدة الشعار وابن الشقل والهيـة

انا والله مافكرت بالصاحـي ولا المجنـون=انا امشي مع طريقي ماعلي من الحراميـه
تراء مهما حصل ياصاحبي مانخلف القانون=رجال الطيب تبقى ياصحيبي راجع الطيـه

ليـا منـا بغينـا ضربتـك ترجـع بـدون سنـون=لكن لاتسب حزبي نذبحك في ربع شبرية
ختـام الملعبـة منهـو يشجعنـا عسـى مايـهـون=وتـم القـاف مـن عنـدي وحنـا اليـوم طرقيـة

تقوله ياطويل العمر مير الفعل ماتقـوون=ولكن عن لهيب الشمس طعني دور الفيـه
ختام الملعبه تبقون ياهل الطيب لو تسرون=ويبقى المنتدى شامخ وعندي ماحدن زيه