أبوي وصاني على فعلة الطيب=وخوة نشاما بالمراجل تهلي
وأنا لبوي أمشي وأببعد عن العيب=وخوة مساكين(ن) أبد ماطرتلي
أنا خووي ما هو من ملك جيب=لوكان جيبه فاضي(ن) مايعلي
عندي خوي(ن) لا رمى دايم يصيب=وماهمني أمر(ن) تعدى يولي
ومن ظن فينا العيب ظنه يبي يخيب=وهرج(ن) بلا برهان يوخذ تسلي
حنا رجال(ن) نكرم الطيب بالطيب=عيال عبس علومنا ما تملي
أهل الوفا وأهل الكرم والمواجيب=وخويهم منهم أبد مايملي
أفخر بربعي من شباب(ن) ومن شيب=ولا مالت الايام هم عزوتلي