النطق هومفتاح كنز الرياجيل
 

[POEM="font="Simplified Arabic,5,black,bold,normal" bkcolor="skyblue" bkimage="./images/backgrounds/8.gif" border="outset,4,black" type=0 line=0 align=center use=ex num="0,black""]احب اقول وكل ما جيت ابا اقول =اليا القول قيلي ياهل العرف كدقيل
صحيح باب القول ماهوب امقفول = لاشك عن بعضه يجي به تنافــــــيل
احد(ن) يجي قوله منسق و مفتول = وأحد(ن) عليه ابنص قوله مداخــــيل
يعرف قول ولادرى وش ورا القول = جهاز له رقمه على زر تشــــغيل
حتى ايش لو هو كامل العرض والطول = العرف عنه ابعد من الجدي وسهيل
دليل عرفه منطقه مابها قول = النطق هو مفتاح كنز الرياجيل
احد(ن) كلامه فيه حكمه ومقبول = ينحل به مشكل وبه ينعدل ميل
واحد(ن) على شين الطواريق مجبول = الشين له عنده عن الزين تفضيل
وان قلت له غلطان ياصاحب القول = بتل يكيل الكيل مع ساقة الكيل
شجاع اللسان اليا كثر عنده الظول = بحديقة فوقه شجرها مظاليل
مانيته خلق مثله بالبشر زول = ولا له منافس بالشجاعه وبالقيل
اليا شاف نفسه بالمرايه على طول = قطب سما جوه سحاب بلا سيل
ويظهر على نفسه خبر كان مجهول = وجاب الدليل وفصل العلم تفصيل
ويبرك لحمل(ن )لوماهو عنه مسؤل = ويعلم اللى مادرى عن هاك الشيل
حسّب بهاطولة وهي قصرت الطول = ويبي بها فنجال(ن) اشقر من الهيل
والعزوه اللى فاتها كل مفعول = سراب صيفا مع مسارب هذالليل
ونوع هذا...لو حصل ربع محصول = بهزيمته ماتلحقه سبق الخيل
متعافي ن بطران والعقل بهلول = يعني على ماقيل روح عن السيل[/POEM]

رد: النطق هومفتاح كنز الرياجيل
 

رد: النطق هومفتاح كنز الرياجيل
 

صح للسانك وصح للسان قايلها

رد: النطق هومفتاح كنز الرياجيل
 

رد: النطق هومفتاح كنز الرياجيل
 

رد: النطق هومفتاح كنز الرياجيل