قصيده جديده لــ ثامر شبيب
 

3223bani-3abs

252252bani-3abs




إليكم القصيده



تعبت اقول لضيقتي سهود ومهود
اليا متى هالعذر بيكون عذري
البارحة يوم اكثر العالم رقود
عادت علي اللي تجي منين مدري
الضيقة اللي كل ماراحت تعود
مكانها مابين قلبي وصدري
ناسٍ تنام مدهنة في دهن عود
وناسٍ تنام مدهنة بزيت مقري
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
ماهوب مثلي من اقرب الناس مجحود
الله يسامح من طعني بظهري
من راح ماكنه على القاع موجود
مايدري انه اول اسباب كسري
كل ماطرالي قلت من قلت الفود
ياليت منهو راح ماعاد يطري
لو تستحي من فعلها ايامي السود
كان استحت مبطي ولا طال صبري
قدمت بالموجود لخاطر الجود
لين التفت ولابقى شي حدري
عطيت من عمري ولا شفت مردود
ياللأسف للناس ضيعت عمري
واذا افرحوا واجد على طيحة العود
هذا دليل انه فعل شي يغري
بوقف لحالي واتبع الطيب والزود
اشره علي ان صغر الوقت كبري
ماني على بعض المخاليق محدود

صح لسان الشاعر/ثامر شبيب
قصيده رائعه كروعة كاتبها
لاهنت اخوي ع النقل
تقبل مروري

ولا انت يا برق الوسم

يسلمووو ع الاشاده بالموضوع

ولا انت يا منصور غنيمان

ويسلموو ع الاشاده بالموضوع

العفو يا سالم الرشيدي

الضيقة اللي كل ماراحت تعود
مكانها مابين قلبي وصدري

الله ياثامر
صح لسانك
ولاهنت
شكرا على النقل الطيب