قبيلة بني رشيد - محاورة بين الجلاد و قسورة الغاب

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الجلاد والشاعر قسورة الغاب

الجلاد

الليله الدعوى تراها شام سجل ياقلم=واللي يبى المعنى يجي ويكاون الميدانيه
الارض نصن للعرب والنص الاخر للعجم=بس الوكاد ان النصر مايصير ضد الثانيه

قسورة الغاب

الواجب اتسلم ليا جيت العرب يالمحترم=قبل تقول اليل خلوها يابا الالحانيه
انته لو انت ابهضبة الجولان غزيت العلم=ماانفك لك صندوق وسط اسويسرة واسبانيه

الجلاد

ماهو بلازم ياطويل العمر سلم واستلم=بعض السوالف دونها تقفيلت البيبانيه
في هضبة الجولان حتى ان الحصى صاير لغم=وانا احمد الله واشكره في ديرة الامانيه

قسورة الغاب

من لا طرد قولت نعم ماحصلله قولت نعم=وانته ولد مسلم ومسلم مانت ابن نصرانيه
وانكان حولك شك علمني باشارة وابتسم=وانا على الطاير اعرف السالفه في ثانيه

الجلاد

والله مبغاها من الوجه الكليح ابو عضم=واللي يجي كسرى محصل شي باليوانيه
الشك زايل عن هل الوقفات ورجال الكرم=وانته كسرت البيت مافكرت بالاوزانيه

قسورة الغاب

حضك عطاك اعيون ماتنفعك ياوجه الصنم=من لا بغا الجنه مرده حفرت النيرانيه
انته تحسبنك سلم وانته مفارقك السلم=وش ملتك ماقلتلي يالشاعر البطرانيه

الجلاد

رح علم اللي مافهم رح علم اللي مافهم=لاتعلم اللي عارفن بالقصيه والدانيه
بعض العرب يوطابها بالليل دايم محترم=والرزق عند الله والدنيا تراها فانيه

قسورة الغاب

بالعلم لو عندك خبر ماخفيت وراك القلم=حجتك هذي باهته ماجابت البرهانيه
ملتك هذي فيك مله تنحدم ماتنخدم=لكن لاتاصل معك يم الضلوع الحانيه

وسلامتكم وصحت السنتكم ياشعار