قبيلة بني رشيد - عـــدم طـــرق البـــاب .. يوجد مـــريـــض بـــالداخل

السلام عليكم ورحمة الله

الصوت واضح ؟؟

http://vb.eqla3.com/images/smilies/10111.gif

كان المثل يقول ( الصحه تاج على رؤوس الاصحاء .. لايعرف قيمته الا المريض)

وبعد دخول القطاع الاهلي الصحي الى حياتنا بكل قوة

صار المثل يقول ( الصحه تاج على رؤوس الاطباء .. لايدفع قيمته الا المريض )

صارت المستشفيات الخاصه شوي ويحطون جهاز تنبيه على بابه يدق اذا طلعت وانت بمخباك علاج ماحاسبت عليه

صار الطبيب من تدخل عيادته تشوف اوراق تحليل الدم وتخطيط القلب والعلب القزاز اللي تصير اغلى من ابواكنا وحنا نمشي فيها في ردهات المستشفى .. نشوف الواحد يشيل البوك بيده ومخباته منتفخه مع الجنب

http://vb.eqla3.com/images/smilies/10111.gif

راجعت قبل فتره طبيب العيون اشتكي من حساسية بالعين اليسرى .. ودايم وهي حمرا .. لدرجة صرت اقطع الشارع من غير ماناظر يمين ويسار

http://vb.eqla3.com/images/smilies/biggrin.gif

دخلت على الطبيب ... وأول ماجلست وتجي الممرضه الفلبينيه وتعطيني صورة من قصاصة جريدة سعودية ..

ناظرت هالورقه الا هي لقاء صحفي مع الطبيب اللي اتعالج عنده يسولف فيها عن عملية الليزك وان نسبة نجاحها تفوق نسبة نجاح ( وائل محمد دمنهوري - سعودي الجنسيه - مدارس الوطن الاهلية )

http://vb.eqla3.com/images/smilies/119.gif

الا الطبيب يقول لي : شكلك مستمتع بالقرايه .. نخليك شوي .. ماحنا مستعجلين

http://vb.eqla3.com/images/smilies/n/sm5.gif

قلت له : لا يادكتور مستعجل وابيك تعالجني سفري

قمت وكشفت .. والدكتور حسيته مقهور لاني ماسالته عن تكاليف العمليه .. وقروشني بسرعه وعطاني كم قطره .. ومابقى الا يفتح لي الباب ويقول لي وانا طالع (لا اله الا الله ) وارد عليه ( محمد رسول الله ) ..

http://vb.eqla3.com/images/smilies/biggrin.gif

احد الزملاء حكي لي موقف اخر .. ويقول

رحت لمستشفى اهلي اعاني من اضطراب القولون .. دفعت قيمة فتح الملف والكشف .. وانتظرت بالاستقبال ,,, وكنت حاط في بالي اني باقعد ساعتين بالقليل لين ادخل على الطبيب .. يقول ماصدقت يوم ربع ساعه وينادوني .. قلت اكيد بيقيسون الحرارة والضغط ثمن انتقل الى المرحلة الثانيه من العلاج ..
يقول مادريت الا انا قدام الطبيب ..

- ايوه ياخالد شو عندك سلامات؟؟

- ربي يسلمك يادكتور بس احس بانتفاخ بالبطن وباصوات غازات بالبطن والم يروح ويجي ولفيت اكثر من مستشفى من غير حل .. وقلت اعرض نفسي عليك يادكتور يمكن القى حل

- لا حبيب قلبي سلامات ماتشوف شر ..

فحص بطن الرجال شوي .. ورجع بعدها لمكتبه وطلع دستة اوراق تحاليل وقال يالله ( ابتدا المشوار)

http://vb.eqla3.com/images/smilies/rolleyes.gif

يقول صاحبنا .. مابقى شي بجسمي ماحللته يومها .. تحليل دم وملحقاتها ( تم تشفيره للغير متعشين

http://vb.eqla3.com/images/smilies/biggrin.gif
) افرازات المعده .. تحليل للبنكرياس .. تحليل الكبد.. اشعه صوتيه .. خفت يقول لي بنحلل هرموناتك الوراثية وياليت بكره تجيب ولي امرك وولية امرك http://vb.eqla3.com/images/smilies/Looking_anim.gif

وبالاخير .. طلعت نتايج التحليل كلها بنفس الوقت .. ورجعت للطبيب .. الا بعيونه علامة دولار

http://vb.eqla3.com/images/smilies/biggrin.gif

وقال لي ( الف الف مبروك انت الحمد لله صحتك طيبه ومافيك اي شي هذا بس قولون عادي كل الناس عندها قولون من ضغوط الحياه والتلوث الضوضائي اللي بنعاني كلنا منه .. انا وهو انا معي قولون مثلك ومالقيت له الا مهدئات .. خذ هالمهدئات وربي يكتب لك فيها الصحه والعافيه ) .. والنتيجه النهائية( - 1400 ريال سعودي لاغير)

http://vb.eqla3.com/images/smilies/icon120.gif

- الى متى هذا الاستغلال لحاجة المواطن الى توفر العلاج المناسب والسريع بعيدا عن زحمة المستفيات الحكوميه

- هل المستشفى الاهلي يتعامل معي ومعك كزبون والا كمريض ؟؟؟

- هل هناك دور ممكن لوزارة الصحة لوقف هذا النزف المادي ووضع حد لحالة الاستغفال اللي نعيشها؟؟

فاصل بسيط

دعابه دعابه

http://vb.eqla3.com/images/smilies/biggrin.gif

( على طاري المستشفيات .. مره كنت واقف قدام الصيدليه انتظر دوري .. وواقف جنبي شايب .. يوم نادى الصيدلي ( وفاء عبدالله ) رد الشايب ( نعععععم )

http://vb.eqla3.com/images/smilies/biggrin.gif
)

تحياتي لكم

http://vb.eqla3.com/images/smilies/rose.gif