الآ ياغايبه عن عيني وطيفك معـي موجـود=
يسليني عن غيابـك لـون القلـب يشكيلـه
ولولا طيفك يجيني ليا صـار العبـاد رقـود=
يونس وحشتي لاموت من فرقاك فـي ليلـه
غيابك حطني في غربة الدنيـا وثيـق قيـود=
ولاتعجب غريبٍ فـي بـلاده مامعـه حيلـه
ترا الغربه قضية فكر ماهي في وطن وحـدود=
ماغير الجسم عندي والفكر يمـك مراسيلـه
هواجيسي تعذبني هذي تصـدر وذيـك ورود=
تشب الشوق في صدري وقلبي منـك عزيلـه
ولا من جيب لي طاريك كن القلب فيه رعـود=
تراجف قلبي الهايم واحبس الدمـع لابكيلـه
واسج الرجل عن دار العرب خايف من المنقود=
ولاجيـت الخـلا دمعـي تغرقنـي هماليلـه
دخيلك لايطول الهجر وهمومك علـي تـزود=
ترا لاقادر انسى والمواصـل ماسعيتـي لـه
وانا لا قدر الله لوابنسى مـا لقيـت عضـود=
حواسيسي تخاصمني تقول البعـد مانـي لـه
وانا واشلون ابنسى من خذا مني علي عهـود=
تذكرني تضاريـس الطبيعـه فـي مضاليلـه
ليا منه بدا نص القمر خلف الجبـال السـود=
يذكرني جبينـه لابدالـي مـن وراء الشيلـه
يعانقني شذا ريحه ليـا هبـت علـي النـود=
واحس الليل لاقبل من شعاع الشمس ياويلـه

اقتباس من مشاركة بنت العبسي (المشاركة 848893) . : صح لسانك قصيدة راائعة ومعاني اجميل لا هِنت .. ننتظر جديدك الاحلى http://ro7elb7r.jeeran.com/ثَغْرٍ%20الوٍُرٍٍدِ.gif : .

اقتباس من مشاركة منصور غنيمان (المشاركة 849162) صح لسانك اخوي ولا هنت وتقبل مروري

اقتباس من مشاركة الشاطي المهجور (المشاركة 849514) يعطيك العافيه يامحمد على هذه الرائعه رائع بكل معاني الكلمه والى الامام اخــــــــــــــــــــوك الــشـاطــي المــهــجـــور