والله أني محط من الردى في الردود = وعيب احط المعالي في مقام الدنا
شاعر(ن) بيت شعره ما يجيك محرود = يا زن القاف لين يصير مثل البنا
ما يرده عن المعنى عسير الحدود = وده الحرف وافي مثل ما ودنا
دايم (ن) خطو رجله ماشي(ن) في سنود =دون حد المعالي ضايق (ن) ماهنا
عن بعيد المقاصد والله إني نشود = ما شنانا مع العالم ترى ما شنا
طيب الصاحب اللي ما يجي لك جحود = والجحود الردي لا ما نبي بيننا
كل مجرم يعيش بدنيته في لهود =لو يخبي فعوله ينفضح ماكنا
مرحبا (ن) بالقصيد وفيك يا بو خلود = للحروف الجزيلة قدرها عندنا
الزمن ما يجي لك سمح طيب يجود = دنيتك كل أبوها سيرة(ن) للعنا
دايم الشوك ينبت في غصون الورود= دايم الشوك يجرح يا ولد كفنا
لا تحسب المقفي لك يحن ويعود = راعي الصد حبه ما يشعشع سنا
الظوامي تباشر حين تسمع رعود = وأشرف الأذن لمن شبع شال الغنا
من سكن بالشعيب لزوم يبني سدود = قبل سيل العرمرم ياخذ اللي بنا
يا مود الرسايل هاك رد الطرود = فوقها المسك والعنبر ترى منثنا