قبيلة بني رشيد - الكابتن وابو عوجه

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر الكابتن والشاعر ابوعوجه

الكابتن

سلام تسليم شاعر واله مدخل ثمين=من بعد غيبه يجي بالمنتدى يسلمه
إن كان جحدر تضايق وأز علته السنين=لو ياكل النيص ابوعوجه محد حرمه

ابوعوجه

يامرحبــا بالنيابـه مـره ومرتـيـن=يالشاعر اللي نزل في سيل واد الرمه
ترى ابو عوجه ماينظر فيكم الا بعين=لاتغش بعض العرب ماهو حلال الحمه

الكابتن

فيك البقا مثلها وتزيد عنها اميتين=مثلك عسى الله من الجزلات لا يحرمه
مسرع تسولف كذا ناوي على وين وين=عينه بعينك وفم مثلك يخاطب فمه

ابوعوجه

ياكابتن الطايره يامعايد القريتين=انت متأثر من الركاب والا حزمه
اشك وشبه دخل بك وانت رجلٍ فطين=السم لا تشربه والمر لا تلهمه

الكابتن

قلت لك شراب كيف يسار والا يمين=وش مزعلك وانت نفسك بالعطاء مكرمه
مازال راع الغنم سراح وخلاف ظين=ياليت يسلم عشان يعيش لجل اغنمه

ابوعوجه

اثرك شراب كيف اسمح لنا ياعوين=ماني بزعلان مير الكيف ماتطعمه
يارعي الظين لا تغفل مع الغافلين=جاك ابو عوجه سوات الذئب مير الزمه

الكابتن

توك لا هاالحين مابيحت خافي الكنين=لاتنفخ النار في برطمك شبه اشرمه
خلك كما الضلع يرجع كلمة الناطقين=والضلع دايم عليه الحي ياطأ إقدمه

ابوعوجه

ياطول ليلك معي خافيك لازم يبين=يالكابتن المحترم ماتفهم الترجمه
رجلك لاتاطى الحنش وطي الحنش ماهو زين=له وطيتٍ مؤلمه وأصابةٍ مؤلمه

الكابتن

لو طال ليلي معك ماعرق منك الجبين=أضحكك والأمر قبل الصباح أحسمه
يبين لي من كلامك واقع الطيبين=اللي خويه اليا شان الزمان أخدمه

ابوعوجه

لاوالله الا اختلط صوت الرخى والحنين=يالكابتن الي على راسه يرف اعلمه
ياللحيه الغانمه خلك مع الغانمين =انا خدمتك وبو عوجه بعدها أعزمه

الكابتن

تقولها وانت وضعك بين حينٍ وحين=يالشاعر الي يضيق من الكبار انسمه
أفطرت والناس في شهر الفضل صايمين=اللي يطوفك من الشهر إحتسبه وصمه

أبوعوجه

أختامها مسك قبل أزرع بدربك كمين=يالكابتن اللي السانه طال عن برطمه
ومع السلامه وعود من أبليس العين=قدام لا يختلط سيل الرشاء باضرمه

وصحت السنتكم ياشعار عبس