اخواني الأعزاء
الكل يعلم بما يحصل في غزه من حرب إباده تامه
في حال صمت عربي وإسلامي تام تجاه مايحدث.
وبهذه المناسبه احبب ان اشارك بهذه القصيده البسيطه .

للشعر دور .. وله مواقف .. وحزه=دوره إيبين بالامور العسيره
والشعر لامن جاه شي(ن) يهزه=ياقف .. عسى في وقفة الشعر خيره
ونفسي تراها ياالخوي مشمئزه=غير كلامك .. واعطني شي غيره
ولاعاد تنشدني عن علوم غزه=العين تدمع .. والايادي قصيره
وحنا العرب .. ماغير كشخه .. ورزه=وكلن على امريكا يدربي سفيره
كلن يبيها تحترمه .. وتعزه=مع انها ساس الامور الحقيره
هي تدفع اسرائيل .. وايضاً توزه=يديرها .. واحيان تبغى تديره
ثورن يدفه ثور .. واخر يكزه=متجمعين(ن) كلهم في حضيره
وحنا مابين اكياس عنبر .. ومزه=ناكل .. وغزه بين نار .. وذخيره
ولا نزعج الحاكم .. ولا نستفزه=وكلن امير .. ويشتغل له بديره
وياصاحبي ياابن الرجال الاعزه=ترى سواليف السياسه خطيره !!!
لاعاد تنشدني عن علوم غزه=غيّر كلامك واعطني شيء غيره

ولاعاد تنشدني عـن علـوم غـزه
العين تدمـع .. والايـادي قصيـره

نعم هنا تتحرك المشاعر وتفيض القريحه شعراً وليس اي شعراً بل جزل الشعر حينما يكون بغزه
التي لا نملك الا ان ندعي لهم بالنصر
نعم هذا هو وقت القصيد
صح لسانك اخوي عبدالله المظهور على هذه القصيده الشامخه بشموخك الشعري
لاحرمنا من تواجدك ومن ابداعك
تحياتي وتقديري