الله أكبر الله أكبر عزه=الله أكبر يالعدو النازي
الله أكبر رددي ياغزه=الله أكبر فوق كيد الغازي
وين عز الأمه المعتزه=أمة عرجا على المعكازي
أرضنا وعقولنا مهتزه=والقلوب يهزها الهزازي

ياضميري لا أتعبتك الفزه=وحد المعبود لا تنمازي
الله أكبر كل يوم وحزه=والله أكبر لجلها ننحازي
يالرياحي جز علمك جزه=ثم صوغ النص بالبروازي
أمتن عند المظاهر رزه=لا تحسب إن ضلعها متوازي
والطريق اللي خيالك قزه=يالرياحي يتعب القزازي
والجسم لا نشل بعضه عزه=أو يعالج بعضه المعتازي
والله أكبر رددي ياغزه=والله أكبر فوق كيد الغازي