قبيلة بني رشيد - زلزال الرعود و ابوعوجه

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر الكبير زلزال الرعود والشاعر الكبير ابوعوجه

زلزال الرعود

ياسلامي على الاصحـاب والحضـار
عـد مــادن بـيـن السـحـب رعــادي
الحطب وان يبس يحذف بوسط النار
مثـل حـذف القنابـل وســط بـغـدادي

أبوعوجه

مرحبا وانت في زين العلوم اختار
اختر اليوم في هجري وميـلادي
وصقر مايتطبع غير من صقـار
دور اللي يصيد الصيد مايصادي

زلزال الرعود

البقى والعلـوم اللـي نبيهـا اكثـار
مير مايناسبك مفهوم الاجـوادي
انت داب ٍ عمى تدخل بجحر الفأر
تنحنـي بالسهـل وتحـدّر الـوادي

أبوعوجه

انت ياللي حملت الطن والقنطار
بكرة اخباركم بالصحف ورادي
ابو عوجه ليامنه دخل بالغـار
عيد وجاب فيكم كل الاعيـادي

زلزال الرعود

حامل المسك واهدي واعطي التجار
وانت في هضبـة الجـولان متحـادي
اشهـدانـك بـغـار النـايـفـه مـغــوار
مــن يـبـا ينـكـرك يـاهـوه لاعــادي

أبوعوجه

ماحلا الهضبه الحمراء لاجاها أمطـار
لارقاها ابـو عوجـه جوهـا هـادي
وانت خلك علـى الـزاروق يالبحـار
وحذر الموج لايوديك لتشادي هههههه

زلزال الرعود

بين رجلين ثور وتحت بطن احمـار
تحسـب العشـره اللـي مالهـا حـادي
رأسك اسفل وعينك طار فيها اغبار
ميـر خلـك سفرجـي داخــل الـنـادي

أبو عوجه

انت شفته وضعـت وضاعـت الابصـار
يـوم شفـت العـوج لاتصيـح وتنـادي
مـن كبـر طايرتكـم مالـهـا مـطـار
قامت تحوم فيكم فوق الارصادي ههههههه

وصح الله السنتكم شعار كبار مافيكم حيله