يا رايد أوصيك تسلم جعل عمرك طويل=وصيّه أبغيك تحفظها وتعمل بها
الاوله طاعة الرب العظيم الجليل=صوم وصلاةً لوجه الله تصلي بها
واحرص على سنة الهادي البشير الدليل=واعمل بها دوم وصفاته تحلا بها
واخرج زكاة البدن والمال لو هو قليل=زكاة الأموال دين وحق لصحابها
وبر بالوالدين وفي رضاهم جميل=لا يمكن بيوم تغضبها وتعصابها
جاهد بخدمتهم ولابد تلقى الحصيل=في محكم آياته المتعالي اوصابها
واكسب رضا جارك وفي حقه احذر تميل=وان غاب خلك ذرا للدار وحجابها
وضيوفك إن جوك قلطهم على بن وهيل=وأكرم نزلها ولا تبخل بماجوبها
واختر من أصحابك الرجل الصدوق النبيل=والناس حذرا تعذربها وتغتابها
وأنصحك عن صحبة اللاش الجبان الذليل=لا تبلش بصحبة أمثاله وتبلابها
شم وابتعد عن مجالسة الرخوم الهبيل=فلا تجيها ولا تمشي مع أدروبها
وأنصحك لا تقرب الدين إن حمله ثقيل=لابد في يوم ما يحرجك طلابها
ولا تظلم الناس يا رايد بليا دليل=عند الله أهل الظلايم مكبر أعقابها
دنيا دنيه وكل إنسان فيها نزيل=لا تضنها همك الأكبر وتشقابها
لا بدها زايله والجيل يتلاه جيل=والجنة لمن طلبها موسع أبوابها
سخرت يا بوك لك معنى وقاف جزيل=كي تفتهم محتواها يوم تقرابها
كتبتها لك وصيه ما لقاها قبيل=ومن دروس الحياة ومن تجاريبها

صح لسانك اخوي ضيف الله

على هذه القصيده الجزله من شاعر جزل

قصيده كلها حكم

والله يطول بعمرك وعمر رائد ويقر به عين والديه وان يجعله ولداً صالحاً

تقبل تحياتي وتقديري